2014年4月30日 星期三

如果今天我豉椒老細魷魚....?

噢..... 前排睇香港新聞, 有兜友仔隱蔽左係屋企11年, 其間足不出房, 每天只打機, 跟家人只用紙仔溝通.... 無話講咁喎.... !!

我心裡諗呢, 如果今天我豉椒老細魷魚, 我都可以夠食夠用了, 真係唔洗再豉油撈了. 只是一天24小時, 我都唔知做乜好..... ?

嗱.... 我最憎打機, 最喜歡寫BLOG, 但打一兩小時字, 就會手臂痛嘛..... 我唔會每天對住電腦睇股票價位來炒, 通常我買左股票後, 就會放埋一邊唔理佢, 等股息自動入我袋...... 我最喜歡去行名山大川, 但係就算我好似隻馬騮通山走, 都唔可以係山上跑足1年4季咖.....?

噓.... 睇落我都係唔好豉椒老細魷魚了, 可能我唔可以好似香港這兜友仔咁, 等11年先自殺, 我可能立刻就已經悶到想死了. 

今年呢, 冬天實在太長太凍了, 很想出外找個女友回來, 有個人陪下我, 最少如果今天我豉椒老細魷魚, 我總可以有個人在身邊, 俾我幫佢化化妝, 梳梳頭, 做做FACIAL, 修修指甲, 煮煮飯俾佢食, 拖著她的手帶他跟我通山走, 呤些情詩給她聽下....

好啦, 就咁決定了, 今年我一定要找個女友回來, 等我在她身上, 攪攪D事情出來做下, 幫佢做點事情, 哄哄佢開心.

12 則留言:

  1. 回覆
    1. 謝謝你, 不過雖然話難唔難, 但話易也唔易的.... 找到個岩我的, 又不是容易事

      刪除
  2. 回覆
    1. 係呀, 真係要努力了.... 但不容易呢

      刪除
  3. 回覆
    1. 謝謝, 人海茫茫, 實在不知了, 哈哈

      刪除
  4. Mr JJ,
    你唔在溫哥華或HK, 我有幾個品性好的女友, 還是嫁杏無期呢?

    回覆刪除
    回覆
    1. 最衰我這裡講法文, 佢地唔識法文, 難找工作是一方面, 平時出外購物都有麻煩咖...

      刪除
    2. 還有一個大問題, 我十分誠實跟很多人說我的真實年齡, 但人家都不信, 如果我講少20年, 人家才會信少少.... 有次有人以小哥來稱呼我, 並誤以為我還在讀大學..... 所以, 如果我找相近年齡的女性, 出街是十分難看的....

      刪除
    3. 那你即是都想找個二十歲啦

      刪除
    4. 所以, 我現在十分迷茫, 真不知道怎樣好, 或許你可以俾D意見我.

      刪除