2014年4月8日 星期二

我這裡的婦女會

哈哈哈..... 今期我的題目呢, 無錯, 大家無睇錯, 我係講婦女會喎. 

大家可能會問, 莫非JJ你男扮女裝, 走左入去調查婦女會..... ?

事緣係呢, 我新識個滿地可網友, 佢同我講,  佢個朋友常常因為參與婦女會義工工作, 個個週末不在家, 而跟老公吵架起來. 

我想, 香港以前的街坊婦女會, 都係組織下手工藝班呀, 才藝班呀, 教人插下花, 煮下餸. 為何我這裡的婦女會義工咁多野做? 好似這裡D女人有乜問題咁.

查實呢, 我這裡D中國人家庭真係出現了很大問題呢..... 尤其煲冬瓜那些家庭, 出現很多單親媽媽, 而且還有不斷上升的趨勢, 很多煲冬瓜夫妻將會離婚或已經分居. 

不過, 如果只是離婚或分居, 問題並不大, 而是佢地很多人有家暴問題, 尤其北方D男性, 比較大男人主義, 在家中唔多做家務, 而老婆又要外出工作, 兩份人工才維持到家庭洗費. 工作上挫折感再加生活上的經濟壓力, 家暴問題好像滾雪球一樣, 實在令人擔憂呀.

所以, 現在我這裡婦女會D義工好忙咁話喎, 要幫的家暴婦女越來越多, 接都接唔到咁多CASE. 

唉..... 其實, 不單只要幫D婦女, 也要教育佢地D老公嘛, 應該找幾個有做家務的小男性, 要這些家暴老公去學習做個小男人, 仲要這些人唔好咁豪咁飲酒, 咁就天下OK了. 

PS: 查實呢, 這些家暴問題呢.... 係有其遺傳基因在內, 未結婚前, 女方要男方怎樣怎樣, 結婚後的經濟壓力怎會少? 尤其移民來加後的經濟壓力更大, 男方在絕望的恐慌下, 常常挑著女方的小毛病, 家暴就會產生了. 

只是呢, 大家一睇我這些小男人, 唔酒唔煙唔賭, 家暴的可能已經少好多, 再加上自己以入廚執屋為嗜好, 家暴就更少可能發生. 最多只會個老婆挑剔老公洗地唔夠乾淨, 又或餵BB奶粉時, 唔夠仔細耐性, 又或老公份工唔夠體面攞出去炫耀囉.







4 則留言:

  1. "以入廚執屋為嗜好",好難找的人

    回覆刪除
    回覆
    1. 都唔係呀, 我以前讀大學時, 大部分男仔都係識得煮野和執屋, 當然, 不一定喜愛啦

      刪除
  2. 唔知點解依家好似好多男仔都以"以入廚執屋為嗜好"呢~~做女仔真係好~

    回覆刪除
    回覆
    1. 其實現代女仔都幾幸福咖, 只是工作壓力也很重呢, 沒有了以前女性的那種閑暇

      刪除