2016年5月31日 星期二

噔... 噔... 噔... 噔... 噔... 黑店後遺症.....

噢.... 我以前去開果間唐人教會, 有個小妹妹, 我大學畢業時, 佢仲係讀緊11班(香港中五).... 

其實, 我同佢差咁遠, 都無乜事發生嘛, 都係有一次請左佢同埋佢兩個妹妹, 同埋一大班人來我家吃吃飯..... 

之後, 大家都係一樣大纜扯唔埋囉..... 

咁.... 後來佢同個本人西人拍拖結婚, 我地就更沒有多講野了. 結婚前無野好講, 結婚後就更唔應該有乜野講.

再之後, 佢係我屋企左右間藥房打工, 時不時佢上下班我都見到佢, 都沒有什麼兩句.....

這幾年, 佢應該轉左係唐人街市區上班, 時不時在市區和唐人街撞到佢, 我又得閒時, 佢又得閒時, 都係笑一笑就行開左.

再上個星期六我入錯左間係唐人街的按摩黑店, 大家都知道啦, 前幾天星期六, 我又出去唐人街襯熱鬧, 又見到個小妹妹喎, 我初時都諗住笑一笑就行開, 點知佢係都要截停我來問, 就問我現在有無再去教會......

看來, 呵.... 呵.... 呵....一定係.... 有人見到我從果間係唐人街的按摩黑店出來後, 回去教會議論紛紛了, 佢好心, 為左幫我澄清污點, 佢就來問我了.

好啦.... 好啦.... 好啦....係咖....係咖....係咖.... 我在此再宣布多一次, 我係果間按摩黑店內, 什麼都沒有發生呀! 只係交左$60按摩費(真係只係按摩咖咋)後, 臨走前再俾人据多我$20喎......

PS: 講真呀, 我去唐人街以外的按摩店, 可能我好小心才入去, 從來都沒有問題. 鬼知間黑店會開係唐人街咩, 偏偏果日我鬼死咁痛. 我如果係要唔正經, 都唔會去唐人街, 仲要星期六下午日光日白, 前世未俾人見過咩?

6 則留言:

  1. 被人誤會了好慘的,多數都係水洗唔清.

    回覆刪除
    回覆
    1. 這個.... 水洗唔清, 就真係慘了,

      刪除
  2. 真係慘慘豬, 把口生喺人哋度都冇法子 >.<

    回覆刪除