2016年5月5日 星期四

這班人一定迫爆唐人街了.

話說呢, 國內有間公司叫"完美公司", 係國內做直銷的, 會招待5000個員工, 分批來多倫多和我這裡滿地可旅遊喎..... 嗱! 我就唔知係真還是假了.... 大家知道啦, 有時這些國內企業大老闆, 就係想出出風頭, 見見報, 等人家對佢地有D信心咋吧!

不過, 這些人來到, 怎樣也會來唐人街食飯掛..... 咁樣, 最少都會迫爆唐人街了..... 

我諗諗下, 都係提早今個星期六出唐人街飛髮好了, 總不想同人迫到傻左. 

只是近年我這裡唐人街的廣東餐館執了不少, 因為廣東人顧客個個老化, 第二代又不常去唐人街, 邊有我這些人咁念舊? 但就開左很多間什麼什麼"翻天紅", "古鎮老鄉", "湘川水榭", "泰晉之好", "齊魯大鑊", "燕雲16州"..... 哈哈哈..... 我全都唔敢入去, 我一食辣, 就會小命不保了..... 不過, 這些國內來的遊客, 就一定唔會去他們老鄉度食了, 因為我試過, 真係比老華僑餐館水準差好多呀.

PS: 不過, 我聽說, 以前有國內公司招待萬幾個員工去歐洲旅行, 不但沿途要唱國歌, 還要用人海砌個中國國旗出來喎. 乜..... 咁多特別任務咖? 員工去旅行唔係喜歡點就點咩? 真奇怪的旅遊規舉! 我想, 這些公司一定很想把業務開過來美加, 我這裡D西人純樸一點. 不過, 希望這些人不要攪串個 PARTY, 佢地事後拍拍羅友就可以走左去, 我地一眾加燦, 還要係度收拾佢地D麻煩事.


4 則留言:

  1. 華....5000人~~~不過之前都話有間野請哂幾千個員工去法國!勁!

    回覆刪除
    回覆
    1. 去法國的那間民企, 聽說係萬二人呀, 這個就更誇張了.哈哈哈

      刪除
  2. 唉, 作風實在太土豪喇, 原來已經殺到去加拿大! 就算會對當地帶嚟一定嘅經濟收益, 但影響到民生, 唔係討好嘅舉動囉

    回覆刪除
    回覆
    1. 唉.... 真係不幸地, 這些人將會改變加國的一些人和事了.

      刪除