2016年5月22日 星期日

今天遇上超級尷尬的事情

都有跟大家說過, 我前幾牌撞傷了膊頭, 之前的肩周炎就更痛了, 就久不久要去找人按摩一下..... 

去開的那間, 有位男師父, 力大又好手勢, 不過好遠, 由我家去要開車45分鐘, 只是我手機打不通他電話來預約, 而且上幾次去, 佢都滿了客仔, 見人家咁辛苦, 又不好意思要人家趕頭趕命.

今天在唐人街見到有地方按摩, 我心想大家中國人, 又開在唐人街, 必定是正大光明的按摩店, 就去試試嘛. 

在門口招牌上有電話號碼, 我先打電話去, 已經講明我是要純粹按摩, 好吧, 我入到去, 又再明言多一次, 我是要純粹按摩, 對方說沒有問題. 

按到後尾, 一聽到對方問我要唔要.... 我就知道.... 這次奶野了.... 

其實, 都無乜野的, 我自己定力十足, 可以拒絕嘛. 離開時, 對方問我拿小費, 好吧, 面對這個的苦命女人, 我怎好拒絕? 給了$20.

不過, 這店門口開在唐人街嘛, 唉..... 當成條街上人人都知道這間是黑店, 而我又唔知道, 我從這間店走出來, 人人都會心裡說...... 這個咸濕佬. 

噢..... 我行出這黑店之前, 個老闆娘還好意思坐在櫃面, 我心裡用最惡毒的言語來咀咒佢, 頂你..... 頂..... 頂..... 頂..... 頂..... &(*^&(*$$%&*())@_$&**#%&*$%#$#&&&!$%^@&@$^*!, 開係唐人街..... 小炳呀. 

ps: 唔係啦, 下次想知道係咪黑店呢, 打電話去時, 就扮咸濕佬, 直接問佢有無特別服務, 如果對方發嬲, 我才去幫襯了.


6 則留言:

  1. 睇完, 笑咗, 真係好爆笑!!!!!!!!!!
    好鍾意最後嗰段, 笑c咗!ps段個方法都好呀!
    下次唔好做咸濕佬喇, 鄙視你架, wakakakakakaka

    回覆刪除
    回覆
    1. 在未搵到別一間來按摩前, 我點都要假扮咸濕佬咖喎.

      刪除
  2. 我都同上位朋友既同感,睇到最後我笑了!你打電話去,人地以為你扮正常,只要正常服務,梗係引你去先啦,你睇下,你咪俾左20蚊小費囉!佢有賺.

    回覆刪除
    回覆
    1. 聽那位幫我按的苦命女人說, 她這種店, 是差不多沒有人工的, 個老闆娘差不多拿了所有按摩費, 所以我也不忍心讓她幫我按摩後, 收不到錢, 不過, 我下次一定不會再去.

      刪除
  3. 下次同佢講明剩係要男人按咪無事囉XXXD

    回覆刪除