銀碼 與 人性

哈哈哈..... 最近看報紙, 有位名叫趙丹娜的廿二歲女, 竟然在香港洗黑錢洗左100億, 無錯, 大家無聽錯, 係100億, 不是日本円, 是港紙. 

被捉後, 佢交左3千萬保釋金和1千萬人事保(即是有2個傻男, 每人出5百萬為佢做擔保), 佢卻一去無影蹤, 連累2個傻男都一身蟻, 總共4千萬充公.

首先, 大家想想, 那筆錢的主人, 會交誰人來洗? 情婦? 太唔可以相信了; 太太或女兒? 太容易燒埋身; 家族內的女性? 也是容易燒埋身; 利益集團份子的尤關家族女成員? 即是親信的親女兒, 尤其生活奢華, 極想搵快錢的人, 而又不大可能是叛變, 因為其父母和家族都不會同行, 大家明我講乜.... 

用3千萬來金蟬脫殼, 找不到犯人來查, 那100億最後就要放行了. 我想, 下次香港再有同類案件, 保釋金就不會係零頭的0.幾個%, 而係講緊10-20%了, 保釋金一定要入肉, 才可以阻遏到D人走佬. 

其實. 錢的銀碼可以左右人的想法, 香港百億富豪都係要交1千萬保釋金, 為何佢地唔走佬, 皆因為一百億係佢地D錢, 而且仲係實物, 唔係銀紙可以流交流去, 也會隨著時間而升值, 當然香港富豪唔會走佬. 上邊講這女, D錢又唔係佢, 佢唔出庭應訊, 就無CASE打, 就要放筆錢走. 

3千萬呢, 真係大把人打拼一生, 都賺唔到咁多錢, 按常理, 真係無人會走佬, 只是這女背後的人和事, 不可以按常理來推論. 

PS: 為何有2個傻男走出來做擔保? 皆因為錢和權勢的透惑, 希望可以埋堆, 可以埋街食井水..... 只是成為人家手中一隻棋子, 可能並不一定好, 看命數吧, 無事時, 俾少少好處來吊住佢地, 有事時, 就可能比現在這女洗一百億更大鑊.