情人節奇遇

昨天, 如常的一個人去看電影, 入到戲院等候大堂, 見到有位美麗中國女仔(應該係大陸來)坐在中央, 一見到我, 就向我微笑.... 

其實, 三九唔識七, 突然發生D咁事, 我只好禮貌地回以輕輕的微笑, 之後就行開了. 從遠處回頭看看究竟是什麼事, 見到這女仔拿起電話來打, 我才理解到原來這女仔係度BLIND-DATE, 以為我係佢約好的男仔, 相信是情人節前, 大多數人心裡空虛吧..... 

事有湊巧, 我進入放影室後, 見到這女仔和一個男仔進入來, 坐在我後邊, 一眼認出個男仔, 講煲冬瓜, 係唐人街搵食. 

只是電影看完後, 個女仔獨自一個人衝了出去走人, 這個就令我百思不得其解, 照常理, 無理由咁唔俾面個男仔咖! 除非個男仔..... 嘿, 唔洗問啦, 梗係睇戲時佢手多多啦. 

這些人正一人渣, 男人的恥辱, 第一次約會就...... 好過份呢.... 

我這些正常男性, 常常要為這些人渣而埋單, 修補這些問題男人破壞了的男性形象, 真係無辜.

情人節又快到, 在此提醒大家女網友, 約會時, 如果對方有任何不尊重的舉動, 唔洗同佢客氣, 唔好等套戲完左才走, 立刻走人; 如果對方再來麻煩大家, 就大聲責斥佢, 唔好怕尷尬, 很多人會企係大家女網友那邊.