昨天因為這邊輕軌鐵路首日通車, 可以免費試搭, 我就行去那邊看看OUTLET 和店舖. 經過某早餐店外時, 聽到有人講港式廣東話, 每次咁, 我都會停下來微笑打個招呼. 本來他們說話都不大聲, 但突然有男性高聲說他現在去旅行. 其實, 我本人並不八掛. 本來只想示個友好吧. 無須這樣來引起我注意.....
JNJ 宣佈分拆出個人護理產品的生意, 新公司出左IPO, 公司叫 KENVUE, JNJ 藥物生意增長強勁, 反而個人護理產品的生意增長緩慢囉! 個人護理產品 因為不是獨市生意, PROFIT MARGIN 只是OK啦!
對我來說, 個人護理產品的生意是寡母婆生意囉, 適合買來收息當生活開支, 但前境增長平平, 現在D P/E 也不出色, 連我這些退休人仕靠股息收入過生活, 都未必睇得上眼囉, 尤其佢係美企, 唔係加企, D股息收入無稅務優惠.
所以, 我係會KEEP 住 JNJ 股票, 而唔會轉去 KENVUE. 唔賺股息, 寧願賺 CAPITAL GAIN, 對我說, 係會俾少D稅.
唉, 為何我當初會買 JNJ? 因為我當初買 左一間新創藥業股, 後來俾JNJ收購左, 因為佢股息穩定, 增長穩定, 咁就揸左20年了. 現在JNJ 分拆個人護理產品的生意出來, 咁佢股價就有可能波動得大很多, 藥物生意因為增長強勁, P/E會拉高, 股價也會被看高一線了.
其實如果計埋稅前股息收入, 我一早已經達到10倍回報了, 只是完稅後, 回報就唔理想.
還有, 最近我倉裡一些股票跌價(加股的TRP/T), 我又再增持了, TRP買入價跌到股息回報有7~8%呀, 不過, 投資真係無早知, 真係唔知買後股價會否反彈, 只是這些生意係長有長做長賺錢的, 大多已經唔會點大蝕了.
PS: 只是分享自己買左D乜, 並不是推薦大家, 大家唔好誤會呀. 投資宜於量力而為, 不要隨便用MARGIN用槓桿來買貨. 手上有幾錢就買幾多貨好了.
數年的不開心, 包括......... 2019年後突區所發生的事 + 老美出手壓止熊貓國 + 數年疫情封城, 再加上家人和自己年紀開始限制自己了, 所以, 我失去了那觀天下大變的能耐, 理由十分簡單, 現在唔洗點估, 估佢世事越來越差, 就一定無錯了.
只是我常常提醒自己, 要準備一個增長較慢/物價較高的年代, 昨天去建材舖買沙紙回來重新鬆油, 發現沙紙價錢, 相比我賣出租物業(2017年)時, 漲了200%呀. 3 張沙紙竟要$5有多, 2017年時, 6張只買$3.
可能其他人會後悔賣掉出租物業, 很多人會認為建材價如此起, 出租物業價一定水漲船高, 只是這裡有租務管制, 加不了太多租, 舊的物業價值就漲不了太多, 而且, 維修開支卻是跟住建材價咁起, 越舊就越多維修開支, 就未必有著數了. 但我賣了出租物業後, 在2020年大買資源股, 漲幅比新建出租物業還高, 收回來的股息, 比租金收入還要可觀, 所以, 賣出租物業的決定, 完全正確.
最令人懷疑人生的, 是見到自己和自己親人年紀大, 身體狀況向下. 就算自己想出外消費來刺激經濟, 買到全間屋都係野, 買都買唔到咁多, 出外食飯都食唔到咁多, 話哂外邊餐館D野油多鹽又多, 真係食都食唔到咁多.
現在我要做的, 不是坐享自己的老本, 而是用老本怎樣去別人做些好事吧!
當然, 投資就不斷做, 不斷加碼入貨, 已經瞄準幾隻低價而又基本股(衣食住行不可或缺的那些), 到理想價位就入貨了.
一天只要自己思考清晰, 再加上分散投資, 投資大多不會出大錯, 我人生大約都會OK的, 只是失去了那種對未來美好的憧憬, 再不像90年代時蘇聯解體, 東西方冷戰結束時, 那種對未來美好的祈待. 不過, 活在加國, 一切都OK, 經濟增長不錯, 加大力度接收新移民, 勞動市場充沛, 只是通漲大一點, 只要入息增幅高過通漲, 其他都不是問題了.
當初北極熊蒲精大帝出兵打老烏, 頭3-4天都未打下戰略性目標 - 老烏首都和佢名義領袖都未在手中, 我就知道佢地現代化戰爭, 未有現代化力量來做後盾, 現代化戰爭係兩刃劍咖, 傷唔到對方, 就會傷到蒲精大帝自己了.
今次兵變, 就係現代化戰爭的負面影響了, 也是人性的根本所在!
點解? 人性嚮往更美好的將來, 在出兵初時, 因為蒲精大帝和佢D人民對老烏和整個西方不知情, 又以為好似上次打克田里米亞咁, 以為頂多打1-2個月, 軍人就可以回家渡假了, 之後就會有更好的地緣優勢, 更好的經濟發展. 只是現在打了16個月, 越打就越令老烏和整個西方硬起來, 也越令北極熊民心軍心心寒, 感到離更美好的將來更遠.
人們一失去對前景的美好憧憬, 就會做出很多平時不會做的事, 不再用平時用開的方法來做事, 今次兵變就係最好例子, 也是人性中, 尋找脫身的辦法.
不要以為兵變主謀一心為下屬脫身, 當然也會滲透了他自己保有自己權力/財富的想法.
無論當事人今次兵變是否達成目的, 都講出一個事實, 當權者如果不能令到人民生活得越來越好, 將會面臨兵變或政權更替, 也面對更多的動亂了.
獨裁者只能用更多手段來愚弄人民, 矇騙人民, 之後, 人民會用更不智的方法來做事, 一到人民醒覺, 動亂只會更不理性, 更沒有道理可言.
大家如果見到超市有野減價, 減到超抵買, 大家會唔會買?
大家都見到我JJ成日昅住個股市, 一見到有超抵買D股票, 就立刻會入貨啦!
同一道理, 見到超市減價抵買, 我JJ都係一樣雷住去買啦, 仲洗問? 唔買果個正傻瓜呀!
唯獨我地D中年女同胞呢, 見到我係超市買減價貨, 佢地就好似考古學家見到千年古董咁, 好奇來研究我一番喎!
我心諗, 妳地班友係老家, 未見過人買減價貨嗎? 咁抵買, 妳地都可以埋來揀埋來買呀!(當時十幾箱平貨, 疊到人咁高呀! 得我一個人係度揀咋!) 唔通....... 佢地係老家見親D人買減價貨, 全部都係窮人, 佢地唔會見到高富帥買減價貨!?
D女同胞咪咁樑啦! 有便宜唔好洗頸呀!
有次我果個身邊好多女人的親戚, 陪我去超市買減價貨, 又遇上中年女同胞來研究我一番呀!
我個親戚對女人心理挑通眼眉, 就講: "睇睇個女同胞幾有自豪感, 佢認為你買減價貨, 佢唔買, 佢高級過你好多呀! "
我問我親戚: "點自豪呀? 點高級呀? 錢我有, 佢有平野唔買, 咁係佢自己事, 與我無關!"
我個親戚再講: "D人喜歡心裡自HIGH, 叫佢地真係洗錢, 佢地又斤斤計較!"
哈..... 我個親戚又真係講中左人性的弱點喎, 喜歡自HIGH, 叫佢地真係去行動時, 又猶豫不決, 坐錯失良機之後, 又怨天尤人, 大罵上天唔公平. 妖, 佢地自己唔行動之嘛, 天都幫唔到佢地啦!
不過, 我個親戚成日話我仲係單身, 皆因為我買減價貨的心態, 令我係女性面前失分, 被女性認為沒有安全感. 其實, 我買減價貨, 才有安全感呀, 真係蓄到錢嘛! 真係有將來, 真係照顧到自己父母, 自己安享晚年. 如果咁都話我無安全感, 唔怪得以前識好多D女性, 佢地老公又真係唔係個個撈得掂呀!
前幾日, 有位朋友佢同我講, 佢果隻蚊SIZE藥股被間私人公司收購, 佢話趁住現股價遠低於收購價, 急急睏身去入左貨喎.
我就同佢解釋, 現股價遠低於收購價呢, 係反映收購唔成功的風險, 越大差價, 收購唔成功的風險就越高. 通常收購合併唔成功的風險一直都存在, 所以就有差價啦. 尤其係蚊SIZE股, 被私人公司收購, 訊息透明度, 遠不及2間指數成份股合併咁高呀, 當中欺詐成份可能很高呀! 所以我第一句就說, 我無興趣, 想勸佢小心.
講回正題, 如何在公司收購中, 用PUT OPTION 來減低高追的風險?
舉例...... 收購價$50, 現股價$45, 可以賣張$40的PUT, 可能個 PREMIUM收到$1-2, 只是如果收購唔成功呢, 股價跌回收購消息公佈之前, 咁就蝕少$5囉, 而且賣PUT時, 唔洗俾錢出去, 錢留番係袋收利息, 又有PUT PREMIUM 收, 又如果收購成功呢, PREMIUM就袋袋平安了, 缺點係, 賺少左囉, 但係風險細D.
在公司收購中來高追呢, 最好係..... 果2間公司都係指數成份股, 又或買果間係指數成份股, 係大公司, 訊息透明好多呀!
私人公司收購呢, 好容易出古惑咖喎.
對於我自己達成財務自由, 錢銀可以較輕鬆地去生活, 對於比我較少運氣的人, 我是深深理解他們在生活上各類難處, 因為我也是過來人, 只是我實在無能力去改變他們的現況, 為何?
不是因為命運和天意, 更不是因為我懼怕人家變得比我更叻, 更受女性菁箂, 而是彼此想法和性格唔同嘛! 可能換轉係幾世紀前, 仲有宗教裁判團, 又或身處於鐵幕國家裡, 其他人會活得比我好, 可能我一早就瓜左了. 只是我現在活在自由的國度裡, 有思想和生活的自由吧!
好多年前係教會買左本書, 係由何清蓮寫的"忠國陷阱", 有位長老見到, 就話要掟本書出去教會, 言下之意, 即係要趕我走. 不過, 一本咁的書呢, 係好需要高EQ來讀, 因為本書好令人情緒低落, 真係我睇左1/10, 就睇唔落去, 因為實在太令人對當時的忠國失去信心. 大約過多幾年後, 當時國企來突區上市, 初時我還計劃買咖, 當時我都未受本"忠國陷阱"所影響, 只係一聽到國企的CEO係政府官員來咖, 咁我就諗番起本書內裡果1/10細節, 我就決定打死都唔會買.
其實在宗教沒有自由思考時, 好多人係會跟左個長老的想法, 認為這些書是用來迷惑人心的書, 但係對於我來講, 本書救左我, 我睇左1/10後, 就唔買國企股了.
之後, 有人俾左本"往事並不如煙", 又係好傷感的書, 又係教人十分沉重, 之後到2018年忠美交惡, 我就估到2019年到今天發生的事了. 當時, 我真係情緒低落左4年呀. 由原本憧憬美好將來, 變成預計世界將會亂起來.
其實, 要好似我咁財務自由, 唔難咖, 只不過, 好多人唔想好似我咁患得患失咁做人, 佢地想對未來有個揸嗱/有個底氣/有早知呀, 唔想去睇D令人懷疑未來的書.
只是投資根本就係需要去懷疑..... 未來不再一樣, 又或世界不是我們認知的那個世界.
世界唔同左, 無早知, 我地才有發圍機會嘛! 如果樣樣都有揸嗱都有早知, 點會仲有發圍的機會呢?
好耐之前, 有人來問我點去發圍, 我就好誠實咁勸佢...... 唔好咁忙, 生活得唔好咁攰, 咁就會睇到來緊的發圍機會, 點知對方以為我在恥笑佢, 之後就刻意來整估我.
無他的, 我好心勸人, 但卻中正對方心靈裡的陰暗處, 因為對方要的是..... 有揸嗱, 有早知, 這樣才有女性菁箂, 這樣才有男子氣概.
好多女性講這是.... 安全感呀! 只是這個正好害死佢. 好啦, 有些女性口口聲聲講安全感, 但又要男方愛佢, 為何這些女性在無左安全感後, 不再愛男方呢?
總結咁講呢, 講穿了, 好多人其實唔想好似我人生咁嘛, 唔想成日患得患失咁做人, 想表現出安全感嘛! 男人氣概! 只係這些一切, 都係嚴重阻礙佢地發圍!!
我JJ有個習慣, 就係等個市大調整來入貨, 只是大調整呢, 10年都唔慌一潤呀, 上次2020年疫情時果個調整呢, 我只出左1/3力. 果時, 又真係唔多肯定幾時到底, 如果果次繼續跌呢, 我諗我會繼續入咖. 只是老美政府宣布救市時, 我只用左1/3 力去入貨, 個市咁就彈起了, 我這種人係唔會去高追的(唔會寧買當頭起), 只會見跌就入貨囉.
咁, 現在個市係都唔調整呢, 我當然唔會坐係度等運到囉, 我當然會繼續入一D跌得甘的股票呀.
近排我入左 PLTR, MMM, TRP, 第一隻係AI股, 買果時係AI低谷, 現在彈左了; 第二隻大家都知係3M, 做化工物料行業, 是不可替代的生意, 只是佢近排俾政府告, 咁佢股價跌左一半, 我係佢差唔多低時, 入左貨, 前幾天官司SETTLE 有望, 彈反番起頭了, 佢股息有6%呀; 第三隻係油管, 佢現在起緊新天然氣管但超支, 比起2020年通行都跌時, 佢現在跌到仲要低~10%, 而且有成7%股息呀!
好啦, 無大調整時, 我就睇下D好公司大公司有無壞消息囉, 見低就入D囉! 都係果句, 買係度等佢升囉, 而且除非AI股外, 其他都有不錯股息, 大有能力去等呀.
都係果句, 投資注意風險, 只是承受風險呢, 各人而異, 不可一概而論, 而我又不是專業人仕, 唔識點同人評估投資風險, 所以, 我只係分享我買左D乜, 並不是在推介任何 BEST BUY 囉, 大家就咪誤會了.
還有, 最近我有隻初創藥股, 就快攞到審批來上市新藥了, 不過, 大家咪以為我JJ又大富貴了, 都彈唔起得太多呀, 相比2020年油價幾皮時入的油股, 利潤差天同地呀. 不過, 我都係想造福人們, 有新藥就有新方法去醫到更多病患, 我自己都心裡滿足的.
賺錢是好的, 只是單單錢多係無意思呀, 還要睇下有無造福到社會囉! 令到別人受惠得益.
我都算心裡開心的, 有新藥醫病人, 比起我自己去讀醫科做醫生去醫人(我恐懼血肉呀, 做唔到醫生), 都是同一果效的.
真係唔知為乜事, 我平日只是用佢, 來向我在這裡D香港人群組, 提供一D去平玩去平食的資訊.
最近有條友話佢同佢太太係街上講廣東話時, 俾本地人鬧. 其實, 我做人都好和氣姐, 見佢咁唔開心, 想開解佢, 想同佢解釋這是十分罕有事件, 大多唔會再發生, 想勸佢在魁省第一句就同人講法文, 之後再講英文, 咁就無差錯了. 只是另一個香港人質疑佢唔講法文, 咁佢就發左矛咁, 之後, 就無再見那香港人再出文了.
咁, 我見佢地攪到咁彊, 我就出來想做和事佬, 開玩笑性質同佢講, 可能當街鬧佢唔講法文果個本地人, 只係因為見佢一表人才, 嬲佢唔娶番個法裔老婆姐. 我真心咁好希望佢開心一D, 只是我現在才知道. 為何那香港人無再出文了, 因為都好似我咁, 被FB 封左帳戶喎!
其實, 第一個被人禁的, 應該係這人呀, 因為佢真係係FB上講粗口喎!
真係唔明白, 點解我這裡的香港人, 心理素質咁低(佢都娶左老婆可能有仔女了, 都仲係細路一個? 唉!), 佢講唔講法文, 對我係唔會有乜問題的, 只是我見佢咁勞氣, 影響其他香港人嘛, 想開解佢, 也開解其他香港人, 我咁都落得如此下場? 哈, FB呀, 我一定唔會買佢地和佢地相關的股票, 因為佢地管理太差了, 差到令人不安的情度呀! 再係咁, FB一定執笠喎. 點解? 係果個香港人群組裡, 只有我常常出D開心去平玩去平食的資訊, 其他人一係唔出, 一係就賣廣告, 無左我出文, 那個香港人群組裡一定唔會有任何人氣了.
不過, 比這人更差的, 我係這裡唐人教會見唔少呀! 明明係佢地自己的問題, 佢地偏偏講成為其他真心入教會慕道的人問題, 明明係佢地自己入教會攞著數(成家人好多細路入去教會), 偏偏說成好似我這些單身人入教會攞著數. 同一後果,其他人就會再見我唔到, 我想幫其他人生活得開心D, 我都唔會做到了.
恭喜了, 這些人將佢地自己的問題, 好像瘟疫一樣, 傳染左俾別人. 這個世界本來唔衰的, 係D智商低又要面D人, 攪到佢衰晒, 就係咁簡單.
唉, 事緣於有文章指, 有位昔日玉女明星, 現在老了變了樣(https://cfcnews.com/340778/加拿大网友偶遇华人女明星素颜出镜！女神怎么斗/), 咁..... 我就講句公道說話, 人家都五十幾, 人家樣子有乜好挑剔呢?
竟然有人出來講: "遠離偶像，遠離咒詛；親近耶穌，親近永福！"
其實, 咁講就真係好惹人反感啦, 篇文已經咁樣欺凌當事人, 佢仲要踩多腳, 我實在頂佢唔順, 同佢講: "偶像不是指王小姐這些眾人風頭躉, 而是滿天神佛, 遠離自有永有獨一真神.",
佢都仲未醒水, 仲一本正經咁來同我傳福音, 講這個神那個佛, 正如我預早批死佢滿天神佛. 我只好禮貌地回覆佢, 想佢以後唔好再令人對教會反感: "那不關王小姐事吧!"
佢竟然罵我: "戾氣地講話, 你連基本的人的常識與常理、常態都沒有!",
哈, 佢都唔知我係乜水, 就武斷話我戾氣, 實在佢就真是戾氣, 又或有思覺失調了. 佢這樣去理解人和事, 難怪沒有真心慕道的人敢進入教會了, 乜人都俾佢嚇走晒. 教會裡沒有真心慕道的人, 入教會的不是慕道, 而是入去耍手段去整人. 令到原本慕道的人, 不單受到傷害, 也認識不到道路真理生命, 耶和華在他聖殿裡見不到真心慕道人的敬拜, 我勸佢快快改變佢做人做事的態度.
PS: 多年前, 有位女教友問, 點解教會裡頭咁多人三尖八角? 唉, 現在看來, 只有三尖八角果D人才可以係教會裡生存到. 任何人生得靚D/聰明D/有錢D, 都會成為眾矢之地, 好多人睇人唔順眼呀!
不過, 問問這些混人, 有無發現佢地生活每況愈下? 有無發現佢地健康和精神越來越差呀? 因為佢地阻住真心慕道的人信耶穌, 惹了耶和華的大怒, 就係咁簡單了.
至於我父母, 實在十分感恩, 我父母年紀大, 身體仍然蒙福, 只是需要我多D花時間陪佢地囉. 人生老病死, 一早預左, 到我父母這個年紀都仍然不用太多麻煩, 就一定是神的恩典和祝福了.
我自己..... 除了一早財務自由外, 仍然馬騮通山走, 到左中年, 仲好似個後生仔咁. 有次我問我個家庭醫生, 點解係我張轉介信上第一句寫明我年齡, 我家庭醫生話, 驚間醫院裡的技術員, 當我後生仔咁來落劑量呀!
最近有紀念汶川地震活動, https://weibo.com/2606812875/MrWqZ0r6b?type=repost 只是提到捐款由來時, 並沒有提到香港, 港人在2008-2009年, 就捐了接近220億, 圖中排第一的沙特這些捐款(40億都沒有)!
2008年, 本人在加國, 也透過加國紅十字會捐了一千加元, 加國政府當時MATCH 了 額外2千元. 當年, 港人最有中國人的認同感, 之後, 認同感年年跌.
實在有點失望, 不單是港人的善意被人忘記了, 更是被人刻意抹掉, 難怪由2019年開始, 一切都沖著香港賴以經濟向上的核心價值.
看看當年是怎樣記錄捐款的, https://zh.wikipedia.org/zh-hant ... E%E5%88%97%E8%A1%A8
沒有港元在美元和人幣中間的兌換作用, 貿易那會做大做強? 港人用幾代人慮積的財富, 為國家發展作開路和護航, 現在換來的, 簡直令人稀憈.
我們作為港人, 真是要發聲了, 沒有任何愚蠢, 比沈默更甚.
PS: 還有, 我在加國這個民主自由人權法治的社會裡, 我生活得十分美滿和自豪, 我適合生活在民主自由人權法治的社會裡!
我要去說不, 就是這樣的簡單, 這樣的直接!
也多謝加拿大, 給我活得有自由有尊嚴有意義!
我JJ出篇咁野, 我只是想大家安心, 尤其有外國國藉的各位.
這位大叔唔係普通人呀, 我地這些普通人, 就大多唔會遇上相同問題了, 當然, 這些事發生在任何人身上, 其他人都心裡不好過.
點解佢唔係普通人? 單單佢1945年在港出世, 1961往美留學, 就知道佢唔係普通人. 首先一睇佢個樣, 就知道佢唔係廣東人, 佢係華僑而由蘇州法院判, 即係佢籍貫係蘇州, 1945年抗戰勝利後, 佢父母唔走去上海, 而落來香港, 即是佢父母背後係有任務或目的了. 1961年時去美國留學果D人, 是要有大粒佬幫手寫信, 證明佢或佢屋企唔係共慘儻呀(好似以前做差人咁, 查三代呀, 當然只有國民黨背境的人, 才做到差人呀), 即係佢係國民黨果邊啦! 之後佢係美國聯合國裡做公務員, 即係乜? 佢係聯合國國民黨政權會藉之下辦事囉!
1971年, 國民黨政權在聯合國的會藉被改變了, 佢後來變成從商, 即是佢係國民黨有關的貿易關構裡辦事呀, 真不知道是否用商貿來繼續工作了! 之後, 佢1997年台海危機後(李登輝開放台灣選舉, 再到阿扁清算黨產, 原本好多人個份薪資斷左), 佢成立"美國梁氏文化交流基金", 當然係有人背後俾錢佢出來做事啦! 大家都估到背後係邊個了.
嗱, 講到這裡, 大家就無謂疑神疑鬼了, 我地這些濕碎料, 邊會引人注意? 都浪費人家時間和資源啦!
PS: 如果再把故仔講埋落去, 佢2年前被拉, 就只係因為佢企係兩大國中間囉, 任何一方都希望從佢身上, 套到D料出來, 佢又唔可以唔講D故仔出來氹氹下喎, 所以, 一講故仔, 佢就被人告囉.
所以呢, 大家都係唔好企係兩方中間, 正所謂, 唔做中, 唔做保, 唔做媒人三代好呀! 我自己就留係加記, 繼續潛水......
由佢父輩開始為國民黨做事, 一步一步咁陷入困境, 最後, 佢選錯邊, 無估到兩大國最後有天會關係決裂. 所以任何人, 如果沒有高尚遠大理想, 以為黐住政黨來討份薪資差事, 而沒有自己謀生能力, 那就一定是個悲劇了.
今天好多聲稱民主之仕, 已經變陣了, 不過, 也可能好似大叔咁, 到最後變成悲劇人生囉! 話晒人家都當佢地係花瓶, 都唔會點出高價來養這班友啦! 而且, 佢地在人家眼中的利用價值, 只會越來越細囉, 真係有機會晚境悽涼咖. 真係要快快離開這些不利之境呀, 話晒, 自己都搵到啖食時, 無謂仗人鼻息咁慘呀!
片中人講佢生活中的南加州地區, 很多華人做生意都做不好呀, 有D人更走左佬.
今年大家當然要小心D, 看來經濟唔好/生意難做/財產縮水, 都係世界性的, 無人會例外.
不過, 在我JJ看來, 世界係今年裡, 是會有個大轉變, 好多舊時生財的方法, 可能會變成鏡花水月, 但是會冒起其他一些新的生財方法吧! 差在人們看唔看到, 自己有無能力轉型, 是否願意去跟上大環境的改變!
好啦, 我自己十分理解其中會有人進退圍谷的, 見過這裡有旅行社, 一到疫情爆發, 就轉型做修甲和足浴, 我係好佩服這老闆呀, 實在不屈不饒, 從不放棄呀!
記語一句, 艱難之年, 也是機會的一年, 因為整個大環境正在改變起來. 有些生意跌, 也會有些生意起緊, 大家就真係唔好成日宅係屋住, 要多出外看看, 觀察一下有什麼是在冒起的.
PS: 聽說在加記, 老人家居護理和服務, 是其中一個冒起的地方, 大家不妨想想吧! 片中人他炒房和出租房, 前些時見佢有片講, 佢出租屋遇上老賴欠租走左佬, 仲要佢清理住客留下的垃圾, 其實, 到最後, 好多生意都係要自己落手落腳嘛! 我以前有朋友的母親, 就係幫人睇老人, 之後老人不在, 佢母親就退休攞政府D 錢了, 都算係安享晚年, 最少唔洗70歲人出去打超市工, 最少唔洗咁辛苦.
當講到投資未來, 很多人只會想到賺多D錢, 儲多D錢, 等將來老年生活得好!
只是我提議另一種投資, 因為錢不是萬能, 錢總有些方面係無能為力.
我年青時, 曾經買過一些初創藥公司, 買果時呀! 真係仲未攞到藥品牌照, 只能小規摸地用來做臨床測試, 這些初創藥公司呢, 風險好大, 其中有一些藥物係跑唔出, 最後執笠咖. 只是大約當中有一半跑得出, 完成臨床測試, 攞到售賣牌照.
其實, 投資初創藥公司, 有新藥上到市, 幫到人也幫到自己, 難保這些藥自己有一天可能用得上, 而且, 有前人用過D新上市藥, 到自己用時, D醫生已經摸熟晒隻藥點用, 就對自己最有利呀. 還有, D新藥初出時, 真係貴到驚人, 好多都係幾千蚊美金一劑! 用上十劑八劑, 病人荷包就真係大大劑了, 不過, 我見過唔少藥由初出時好貴好貴, 到10年後, 大部份病人都負擔得起, 再到20年後, 無左專利, 更有代藥(generic drug), 平到連窮國病人都負擔得起.
嗱, 大家如果知道自己親人中有D乜病, 大可以去買相關的初創藥公司股票, 好等將來有藥來幫到自己或親人呀! 其實, 我好後悔無去買D 老人痴呆/柏金遜病的初創藥公司股票, 多多幾千/幾萬個好似我這樣的傻瓜, 去夾錢研發新藥, 可能今天就幫到好多老友紀們了.
當然, 買初創藥公司D股票, 不單風險大, 而且回報相比很多行業, 並不高呀! 如果攞來比較大耳隆股(我最痛恨D咔公司, 猛咁引誘D入世未深的小朋友, 先洗未來錢去溝女, 又有D傻女結婚後, 被迫要同個老公一齊還咔數), 回報實在小得可憐呀! 實在想起, 殺人放火金腰帶.
係呀, 投資未來, 並不是下下都計錢計回報咖, 也不可以用自己現有的物質生活來做指標, 總之無負自己的生命, 那就可以了.
除了買初創藥公司D股票, 還有好多方面, AI啦, 大數據啦, 快速運算力, 會幫助好多新藥更快地研發出來. 又如果將來D AI 機械人, 可以用來照顧家居老人, 唔洗佔用咁多醫療資源, 咁就一流了.
我一向都同人講, 如果咁唔喜歡現在突區發生的一切, 想說不, 就要身体力行走人移民他方, 而且去到民主自由社會後, 就要開開心心咁活著, 證明自己在一個民主自由的社會裡, 活得更好更開心, 證明民主自由體制的優越性!
昨晚我這邊加記的網上, 有人話, 加記最低收入人仕好慘! 又話70歲人仲要出去打超市工, 做8 小時無時間食晏飯, 要同後生仔爭飯食.
好啦, 都明知佢..... 間接講佢自己或佢屋企囉, 但個果效係倒民主自由的台囉!
其實, 我覺得係加記呢, 加記政府都已經仁至義盡啦! 加記最低收入人仕生活點差, 都唔夠其他地方D最低收入人仕咁慘呀! 係好多人原居地, D工廠連35歲以上D人都唔請呀! 還有, 係佢地原居地, 好多人連60歲都過唔到呀.
我直頭一句問佢, 加記這裡新移民有福利金攞, 唔係幸福嗎? 加記這裡低收入人仕的生活, 比佢地係原居地, 係咪幸福左先? 如果樣樣諗到咁灰呀, 不如加記這裡納稅多果D人..... 出來講唔幸福啦, 因為加記政府用佢地俾D稅, 用來去出福利金俾低收入人仕? 在加記D低收入人仕, 總好過係世界其他90%做低收入人仕呀, 係咪比移民前好好多先?
加記低收人仕點慘, 關加記制度或加記富人乜事呢? 用另個角度睇, 這些人如果唔係加國, 處境可能差幾倍呀! 慢下手要睏街呀! 也可能活唔到60歲! 如果講緊70歲去打超市工, 我又會反過來想, 世上好多超市真係唔會請70歲的員工喎(包括突區百記和惠記, 更不用講上邊了), 即係加記社會制度照顧到老年人出來做工吧! 現在有些國家工廠唔請35歲以上D人呀!
講真呢...... 其實有乜野比自己健康更重要呀? 老實講, 真係無乜呀! 所以, 由年少到結婚, 真係無乜野係唔洗錢唔得囉.
年紀開始大了, 每天一到下午5點鐘後, 就會盡量減少飲水, 好等自己夜晚少D起身去廁所了.
又或減少食甜野, 汽水呀, 糖呀, 珍珠奶茶呀, 朱古力呀, 真要開始少食了. 昨天整左杯細的好似吏洛泳的飲品, 就覺得情緒和靈魂好似跳上天咁, 如果我整杯珍寶SIZE呀, 哈..... 我真係怕我成晚係外邊跑來跑去呀.
唉, 以前小朋友時, 一杯珍寶SIZE大汽水, 就可以揸住飲, 仲可以同朋友一邊飲一邊行成個下午, 現在飲咁大杯甜野, 就真係攪唔掂了. 就算現在杯珍寶SIZE大汽水或吏洛泳, 都係3皮野有找, 真係唔明白點解小朋友時, 會擔心自己將來搵唔夠錢.
可能我小朋友時, 好有計劃, 擔心自己將來搵唔夠錢結婚生子囉. 現在回望返轉頭, 其實我係杞人憂天囉. 第一, 我發現搵錢比平均D人多囉; 第二, 我自己又無不良嗜好, 無乜錢洗, 最多係洗係教會果度(係咖, 我一個星期係教會裡頭坐唔超過6小時, 但就消耗左我十分一收入); 第三, 當時遇上果D女仔, 大多睇我唔順眼, 其實, 佢地好多都有公主病, 諗住男方為佢攪掂晒, 我當時就應該一早慳番唔洗咁諗. 老實講, 我屋企D女性親人, 結婚前搵錢多過男方, 後來生左仔後, 就無辦法姐.
所以, 提意大家, 搵到個岩的女仔(無公主病或有獨立生活能力), 就唔好諗咁多, 快D去結婚, 錢到後來, 就一定會搵得夠呀. 最緊要, 自己和老婆生性, 好好教好子女, 讓子女都生性, 咁就得咖啦.
其實, 人生最多洗錢的時候, 係人生最後果幾年囉. 老年服務和醫療, 乜都係錢呀! 前幾年香港有個調查, 大部份人在他們生命最後3年裡, 用左佢地7成的積蓄呀. 這些一切, 自己和身邊家人做人生性, 咁就得咖啦.
片中講富豪呢. 其實, 如果以片中主人翁的故事來講, 就算在2014年有8百萬身家, 主人翁都只會活得像個清潔工囉, 一個小人物咁! 跟富豪生活扯唔上任何關係!
不過, 以我JJ的個人經驗呢, 以片中的故事來講, 其實唔係富豪生活, 而係唔愁生活囉.
係咖, 片中都有講, 置業比慢慢買入藍籌股, 風險更大呀, 因為置業係大舊錢, 放係一個項目和地區, 而藍籌股D生意係不同行業不同地區, 風險當然少啦.
港人對買樓賺錢的觀念 太深刻了, 後來同胞們用左香港地產D制度, 也吸收左港人買樓賺錢的觀念, 但往往唔係全球都可以咁做, 老實講, 我JJ家裡最多時, 有幾幢出租物業, 後來開始把"賺得少""維修多"的物業賣出, 最後也把最後出租物業賣出(只留自住物業), 轉為揸藍籌股, 其實收益真係唔錯呀, 麻煩又少, 風險也不比物業大.
片中也講到, 唔好走人人都走的路, 買樓真係唔一定有錢賺呀! 尤其現在往後的年代, 在香港以外的地方呀!
但可能有網友會問, 買藍籌股唔係人人都得咩? 不過, 好多人係好心急, 喜歡去計劃人生幾時做乜乜! 只是買藍籌股唔係自己計劃幾時買, 而係等佢平時才買, 咁就好多人無咁好耐性囉. 以我JJ為例, 我買D藍籌股, 可能只有3-4%才會無錢賺(不會乜都無晒, 頂多蝕2~3成), 大多都有錢賺咖, 最多係蝕其他機遇和時間成本.
無錯, 正如片中講, 片中主人翁係內向, 做事慢慢來, 生活好簡單的人呀, 我JJ就唔內向, 但我真係做事慢慢來, 唔會心急, 生活好簡單果D人囉!
PS: 不過, 時代唔同左, 我JJ和片中主人翁做到D果效, 大家現在才開始做時, 可能果效無片中主人翁咁顯著, 我JJ同片中主人翁比較, 我比佢較後咁做, 果效都無佢咁好啦.
千禧一代首次置業難!? 不過, 唔好罵我JJ係度嚇人, 連首置都變成人生樽頸, 咁, 人生更大鑊的事情, 唔係更慘?
乜野係人生更大鑊的事情? 例如: 找個合適的人結婚, 維持婚姻, 教好子女, 準備自己退休, 父母老來由自己照顧好.
這些事情, 樣樣都比首次置業, 難上百偣呀!
其實, 我JJ並不是冷酷無情, 只是D人明知自己論論盡盡, 無人咁好野, 就唔好把自己人生攪到更麻煩. 因為我JJ都係咁, 明知自己唔夠人叻, 咁唔係讓自己人生簡單一點, 我後生時, 真係遇到D女仔全部都有公主病, 或亞公主病, 咁唔係唔好結婚囉. 又或遇到D教友, 全部都係齋UP齋講, 唔做野, 所有宗教原則都指向別人, 唔會指向佢地自己, 更要人做哂佢心中D野, 咁我唔係唔好去佢地D教會囉! 又或D人立心不良, 下下都口講替天行道, 咁唔係采佢都生漬囉!
乜野都係假, 首先做好自己份內事, 唔好俾人老點, 做好自己D事, 懶理D人係度麻麻煩煩. 係咖, 世界上大把人立心不良, 見人好就來破壞或利用, 見人唔好就踩多腳. 無謂理這些人的, 因為這些人根本就係失敗者, 越俾這些人靠近自己, 自己人生越會俾這些人攪到大大鑊.
PS: 其實, 當然唔係無上流機會啦, 只是要找到在那個世代裡最適合自己的向方和途徑. 有時唔好怕同自己那世代大部分人, 行相反的路徑. 大隊人行一切果D路, 都唔會有好野, 因為係會爭崩頭, 唯有做果D與眾不同的事, 往往阻力細, 易成功.
我年青時人人都先洗未來錢, 咁我相反咁做, 而又去投資, 咁就同其他人有分別囉. 又或者, 在我再上一代人中, 個個都儲錢, 但好少人借錢來錢搵錢, 果D借錢來錢搵錢的人, 唔係是發到豬頭咁囉, 所以, 唔係一定要跟大隊, 也不要怕去行一條同人唔同的路, 最重要係適合自己.
以前我細時d戲, 賣座的, 大多都係喜劇, 係咖, 因為以前生活艱難, d錢無咁易搵, 而且娛樂無乜選擇, 所以, d人喜歡睇喜劇. 如片中講70~80年代最賣座的戲, 全部都係喜劇.
不過, 後來d人開始喜歡睇d神怪片, 但係個結局一定係大團圓, 歡眾先會接受.
後來, 蕭生拍果d電視劇, 開始唔再大團圓了, 連帶80年代尾以後好多片都唔係大團圓結局了.
唉, 唔知係咪自己人到中年? 還是世界開始無咁好搵, 搵錢艱難左, 我自己開始好想睇返以前d喜劇, 最少大團圓結局, 開開心心咁睇完套戲佢嘛! 唔好俾自己睇完套戲就心up起來.
係咖, 現在世界變左, 係咁加息, 收緊銀根, 再無平錢了, 連帶人諗野都變左, 喜歡睇喜戲, 喜歡大團圓, 唔好喊苦喊忽了.
ps: 以前我d侄仔侄女一向都唔要我俾錢佢地, 我d阿哥更好似同我反面咁, 唔要我俾錢佢地d仔女. 今年我再提起俾錢我d侄仔侄女時, 佢地接受左.
我一向同佢地講, 一次過俾佢地就要交稅, 最好每人每年俾一定數目, 令到佢地唔洗交稅. 可能佢地見到我年紀開始大左, 這些事情, 最好現在開始每年俾佢地, 咁就唔洗到時要急住俾, 要交稅了.
還可能, 我d侄仔侄女開始成熟了, 佢地雖然賺到錢, 但世界都艱難咖嘛, 我俾佢地, 佢地快d財務自由, 人生可以唔洗咁辛苦. 佢地以前諗住佢地賺到錢, 唔洗我俾佢地, 但係佢地現在都知道個錢搵返來唔容易.
近排我這邊的煲冬瓜網, 出現前所未有的自矮新聞, 講新來的人們要去做最低等的工作.
經濟好時, 這些網猛講D人有幾豪幾威, 粉飾裡邊有幾發達, 想D人搬回去; 現在咁講, 當然係唔想D人出走啦!
想起以前見D人偷渡落來有幾慘, 好多人係梧桐山俾大貓擔左去, 仲有好多海上浮屍, 現在悲傷場景又再現了,
面對如此情境, 怎能沉默? 沉默就是幫凶! 就是共犯!
真希望這些朋友們到埗後, 最少繼續互助精神, 就好像片中有人在百盤困難中, 給與其他人扶一扶, 讓其他人也能到埗.
至於我自己, 當我享受自由的好處時, 有著自由選擇時, 我選擇繼續去做個好人.
今次這條片係講...... 有班經濟學家做左個模型推演, 發現.....原來人有無錢, 成唔成功, 係同佢叻唔叻, 努唔努力係無關, 完全係運氣喎.
只不過, 模型推演裡...... 人人都係均等機會咁遇上好運或惡運, 但是事實上呢, 我地係可以做一D野, 增加自己的順境機會, 減低自己的逆境機會.
1. 常有笑容, 善意, 耐性 - 做人最忌係......雖無過犯但面目可憎, 其實, 99%的人都唔會天生樣衰, 只是後天裡這些人相由心生, 以為全世界都欠左佢地十萬九千七咁, 所以, 就大鑊了, 明明人家唔識佢, 無拖無欠, 但都想整古佢, 明明有機會, 人家都唔俾佢.
2. 搭順風車 - 係咖, 唔好爬逆水, 有順風車搭, 就快快上車, 有便宜就唔好駛頸. 乜野係順風車? 例如: 朋友公司請人, 特來單聲, 嗱, 就唔好扮哂清高, 怕欠人情, 人情用左, 最多係搵機會還返俾佢. 禮尚往來, 君子也.
3. 唔好同人爭崩頭, 唔好同人嗌交 - 試想想, 香港人移民左去一個城市後, 全部人走去開餐館, 係咪大大鑊先? 實在係災難性呀. 係..... 無錯..... 唔好離群, 但係...... 唔係跟住大隊做乜自己就做乜嘛. 尤其, 嗌交呢, 我一定走開D. 我都無謂浪費自己時間來嗌, 有時間我留番來諗下點搵多D錢錢返來仲好啦. 嗌交呢...... 大多都係留番俾果D失敗者囉.
4. 唔好時時好忙好攰 - 惡運時, 大多數人都係太攰太忙. 還有呢, 時時太攰太忙, 就算D機會同錢錢, 兜口兜面咁COM 埋來, 自己就睇唔到啦! 也補捉唔到喎!
5. 避開D危險, 唔好挑戰極限 - 係咖, 傻左咩, 去跳BUNGY JUMP? 任何有危險D野, 都咪攪我了. 同一道理, 住係安全的中產區, 總比住係貧民區好, 係咪? 君子不立危牆之下喎.
6. 學識博, 但可以不精 - 學識太精, 會墮入特定思維方式咖, 甚至要來 DEFEND這種思維, 一DEFEND呢, 就好易同人有沖撞呀, 相反, 學識博呢, 容易改變自己的命運和人生軌跡, 一有機會來臨, 學識博就會容易理解到有乜機會在那裡.
7. 做人做事隨緣呢.... 入鄉隨俗, 唔好是非心太重, 更不要替天行道 - 係咖, 真係見到有人移民來之後, 或轉換左新環境之後, 對新環境格格不入喎, 更有一D人呢...... 是非心太重了, 可能佢地天生好宗教性, 甚至會走出來講, 替天行道, 打低哂果D佢地睇唔順眼的人和事. 唉, 其實, 這樣係人生最大鑊的事情來咖! 如果要信宗教呢, 就要信果D"使你福杯滿溢"果D, 唔係下下叫人出來替天行道果D.
8. 最後, 大家有無諗過, 乜野係人生最大的風險呢? 唔係做生意/買地/買股票/買古董, 而係結婚呀, 尤其係一個民主人權的國家裡, 離一次婚, 夠你一世人有排受呀! 其次..... 係真心誠意咁去相信一種理念或宗教, 有無諗過, 有D科學家用自己理念, 窮一生精力去研究, 到最後才發現自己理念是錯的! 所以, 認識清楚人生最大的風險, 未結婚前如果發現有機會會離婚, 就要肯定唔會離婚才好去結婚呀!
其實大家有無諗過? 點解到現在環境差左咁多, 都無乜明顯威脅性反對今上? 當然, 一來係佢採取手段來壓制反對者, 但係二來, 係好多人一早預左現在環境會咁差, 佢地只係希望有個人出來帶頭走出現在的困境, 並沒有認為是今上蝦碌整出咁多困局.
家陣同大家解釋一下, 支持和妥協今上果D人, 佢地心裡諗緊D乜?
點解D人一早預左現在環境會咁差? 因為這些人看客觀形勢上(在不改共產計劃經濟模式下), 認定將來經濟環境全是一個個的DEADLOCK了, 因為中國再無人口紅利, 也沒有可供外資來華的巨大消費市場, 中美合作將會無以為繼, 將會續步步上反面的狀態.
上邊D人諗, 現在辦事邏輯..... 與其慢慢等對方有計劃來同自己反面, 倒不如在自己有利的情況和時機下, 自己先同對方反面, 好等己方佔有更多有利的先機.
嗱, 明白左D人的思維後, 就明白到佢地會用佢地無產階級共產思想, 繼續下埋盤大棋佢落去囉!
所以, 冷戰係開始左咖啦, 甚至有人走出來講, 冷戰應該係係2018年開始, 果年我仲叫人小心中美兩國會變戰略對手, 果一年, 我仲驚到震, 驚到喊. 好啦, 2018年己經開始左冷戰了.... 數英雄人物, 金戈鐵馬, 懷古風流, 道盡世事興衰.
面對如今多變世局, 我輩應..... 運籌帷幄, 決勝千里, 下策: 保本保命; 中策: 混水摸魚撈上一筆, 提升自身的社會階層; 上策: 西瓜靠邊大, 永遠企係最多野食/最人強馬壯果一邊囉, 並參與其中.
大家估下我JJ係上中下策, 會揀邊一策? 其實, 我不停入貨, 就知道我係參與其中, 退休後都跟住個經濟大環境來走, 如果唔係, 我點會了解到上邊D人諗緊乜呢! 只是我現在唔多方便了, 唔好再走出去同人阿芝阿佐了. 但係私人醒幾句俾網友, 我就做得到的.
其實是否面對一個更困難的將來? 還是面對一個機會和錢兜口兜面咁湧埋來? 根本就係靠現在自己一念之差, 與其日日哭哭啼啼, 慘叫現況差到亞媽都唔認得, 倒不如日日把眼光觀看當世給與我們的機會, 當大家看到世事背後千載難逢之機時, BINGO, 恭喜大家了.
各位, 我唔係話俾大家聽, 我JJ近來係唔會入貨, 因為來緊經濟會唔好, 可能個市會有不少的調整, 等到因為經濟差而大跌市才入貨, 將會拾到更抵的平貨了.
只是有時呢, 有些股跌到好平, 係唔跟個市跌, 而係跟間公司自身的環境有關.
最近入左間天然氣/油管股, 係因為間公司在建的天然氣管超支呀, D人開始懷疑間公司的賺錢能力, 所以股價下跌, 跌到2020三月疫情封城時果個價位, 咁就真係好誘惑人了.
係咖, 最後入左貨了, 因為真係優質資產來咖, 這些油氣管股, 比油股更能把成本轉嫁給下游商.
好啦, 俾D時間落去, 就會知道我未跌市先入貨的舉動, 又是否明智了. 現在我都唔肯定岩唔岩了. 不過, 有平的優質資產唔入, 就真係對自己唔住了.
今日文中的兩段片, 都是預示當世兩大經濟體脫鈎後, 可能面對的惡劣環境. 其實, 唔只佢地咁悲觀, 我JJ對未來都係咁悲觀.
不過, 機會永遠留給那些心裡常存善念而上進的人, 當這些人用平常和負責任的心, 對未來有充足準備, 到危險到來, 淡然而處之, 之後就積極去尋找危險背後的機會, 並加以發大來做, 這個就是50~60年代老香港人成功的最大秘訣.
50~60年代那時很多人因為重重危機浸到眼眉, 就選擇躺平, 就選擇不負責任咁做人做事, 甚至對家庭了.
不過, 前車可鑑, 我們這代香港人無理由再陷前人之轍吧!
好了, 又忽追又忽趕, 永遠不說後退, 讓我們香港人再成為未來的蹄造者.....
PS: 其實, 我並不太擔心我們港人, 我最擔心係我這邊長大的二代人, 尤其, 在1995~2005年左右畢業的果D人, 當時時勢唔錯, 生活唔錯, 一切都唔錯, 工作雖然未至於等著他們, 總是有的! (當然現在更容易搵到工做, 因為太多人好似的JJ咁, 提早退休了. )
不過, 相比生活開支和薪水, 這裡2000~2005年左右畢業的果D人, 係最容易儲到錢, 最容易買到屋, 最容易中年後生活安穩. 我這輩人因為經歷了之前困難的歷月, 所以持別看重儲錢/投資/買屋/生活安穩(我JJ由05年,就開始儲到錢, 相信同當時大量低息平錢和中美蜜月有關). 但這裡2000~2005年左右畢業的果D人, 心裡係無這些想法, 所以佢地一到現在呢, 就可能開始有問題了, 因為佢地現在係好難儲到錢, 甚至連佢地CAREER PATH 都更難去走下去. 只是這裡2000~2005年左右畢業的果D人, 現在係這裡華人家庭經濟的主力, 這些人人生不好過, 好多華人家庭就會難攪下去了.
有時我其至懷疑, 這裡基督教會裡一些想法, 會令這情況更差更壞, 俾著係我, 一定會叫D人唔好先洗未來錢 + 馬死落地行 + 面對現實, 唔會驚人罵而唔出聲, 好了, 現在這些教會就真係無能為力了.
片中這位仁兄, 肯定是個十分聰明和有趣的人啊, 講到佢自己兒子8歲前在內地, 活得像個小皇帝, 有工人, 更有由法國請來的媬姆.
我諗呢, 像佢兒子這些人人生係斷左片囉, 唔接地脫離現實呀!
聽到我這裡果D官三代或富二代, 哈, 一個月屋企俾佢一萬加元喎, 俾著我呀, 屋企寄2年錢來之後, 我就可以開始自己的投資起跳了. 係呀, 我讀書時, 成日都同屋企講好驚有大變, 屋企再寄唔到錢來. 屋企就寄左舊錢來, 我就放埋一邊當保險.
我JJ讀完書後, 一有收入, 就攞左屋企D蔭庇, 開始左我D投資起跳了! 果時算好多錢咖啦!
不過, D官三代/富二代係唔會好似我咁諗, 竟然可以月月清喎! 哈哈哈, 唔夠洗之後, 就去送美團飯團外賣喎, 見過好多次, 真係D人揸住部成10萬加元的貴價車 去送外賣. 佢地當送外賣係江湖救急呀.
見到我這邊D送外賣小哥, 個個都氣宇軒揚, 唔會頭揼揼眼濕濕, 哈哈哈, 唔知道佢地係咁送外賣5年10年之後, 仲會唔會維持到現在咁?
好啦, 人家D事, 我都無謂評論, 只是, 加記社會環境同佢地老家好唔同了, 我以前係香港出世長大, 比起加記D鬼仔鬼妹, 都唔夠人地咁成熟獨立囉, 而這些官三代/富二代呢, 可能比我地這輩香港更不適應加記囉.
我JJ係加記咁多香港人當中, 算係一個異數囉. 最少來加後, 生活一切越來越好囉! 所以諗法同好多其他香港來果D人好唔同咖! 也所以, 跟好多唐人教會裡D人, 想法有天淵之別囉! 根本這些人係唔會有閒情逸緻去學打中文字, 唔會好似我咁來發嗡瘋, 對他們來說, 也可能佢地會覺得我同果D"官三代/富二代"無乜分別, 不過, 又真係有唔同囉. 但我覺得佢地無力傳福音, 係都要趕我走開D, 我當然自動自覺行開D, 等佢地自己受番佢地自己決心要做D事的後果囉.
其實, 我JJ上一代只是個小老闆, 最多時, 只有近千人跟佢搵過食, 都唔係有合約受聘.
佢D行家呢, 好多都係金融風暴或海嘯中被打回他們昔日起家時的光景, 能夠安享晚年的, 不會太多.
致於我昔日的朋友和舊同學呢? 宿命是畢業/打工/中年之後等被人淘汰出局.
其實, 我JJ都係中年後離開職場, 只是這個係我自己選擇, 係人家未到來要我走前, 我還有少少討價還價的能力時, 搵到個最好的下台階, 攞個好的OFFER 來拜拜.
好多人做到人地叫佢走, 這個唔理想呀!
主要, 我從後生起, 就儲錢來投資, 現在收的股息, 係我後生買股票時成本價的20-40%(股價又升左好多倍). 如果筆錢存係銀行, 到現在都仲係幾個%囉!
讀書係好, 但單單讀書就改變唔到命運囉! 仲要有接受世界在改變的那種心理質素, 才會聞到嗅到去投資邊度, 邊類公司, 跟住世界一齊來變先得咖.
老實講, 我JJ 後生時, 係好跟貼世界改變的方向, 當時係十分興奮咖, 因為覺得我的機會來臨了.
PS: 唔知道點解, 最近幾年, 對世界改變呢, 有種恐懼心態, 唔知道係咪我心裡好怕打仗呢? 我心地善良, 真係好唔想見到其他人受苦受難了. 我係股票賺親果D錢, 全都唔係同人對賭, 而係由新時代型經濟壯大後, 所賺回來的. 以前, 總係覺得世界整體會越趨和平, 但係現在覺得世界會轉趨不穩和戰亂呢!
忽然想起, 20多年前, 有次係那間華人教會的BOOK FEST (好似係中國信徒中心攞D書來賣), 我一見到何清蓮果本"中國的陷阱"(唔係福音/ 宗教書籍), 我就買下來, 果時中國被看成騰飛中的新興經濟體. 點知有個長老見到我買本咁樣的書, 仲以為我好似佢D仔咁竹昇, 對中國任何事都看徧, 要趕我出教會咁講呀.
當時我真係對任何新事新想法, 都持開放態度. 讀完本書, 想了一想, 咁多年都無買中資股了, 也沒有買任何港股, 後來發生的一切, 都同本書裡質疑的地方, 十分接近.
做人最怕就係一承不變囉, 個長老係咁, 佢D仔又係咁, 最重要係接受這個世界沒有固定軌道的改變, 唔係大中華膠想中國騰飛, 就中國一定會騰飛的. 如果現實裡係飛唔起, 就要隨遇而安, 唔好磨爛蓆先得咖.
後來, 這個長老去歐洲, 去幫助當地D中國非法偷渡者, 我一直係好尊重佢的高風亮節, 言行一致, 但係, 我JJ係佢地這些人眼中, 只是小人一個囉!
人生有何危險?老實講, 唔係世界不斷在變, 而係自己再無能力去適應這個不斷在變幻的世界.
今次老美唔救銀行, 只救存戶, 純因為現在老美大銀行唔會有乜大問題, 唔同2008年果時, 果時唔救大銀行就更大鑊.
現在唔救中型銀行, 等佢自行執笠, 係汰弱留強囉! 每隔若干年就有中型銀行執笠, 純因為業務跟唔上世界的轉變囉!
在一個不斷加息的歲月裡, 銀行業務和做法仍然一承不變, 咁就會發生問題.
大家見我係2020年疫情時, 大買能源和保險股, 但今天大家暫時係唔會見到我去買銀行股, 因為那一時, 現在彼一時啊!
世界唔同左呀! 現在在加息或高息的日子裡, 一切都唔會太快來復原呀! 要好似2020年中咁反彈呀, 無咁容易囉! 除非中美講得掂數, 有空間來讓息口回落.
不過, 現在各方勢力不斷拉据下, 除非有一方崩潰或投降輸一半, 物價本應就無理由坐低, 貨幣政策對通漲和經濟, 無可能不選其一, 無能力做到兩全其美呀!
其實, 在美加已經好好咖啦, 最少衣食無憂, 在加記更有全民醫療, 有病就同你醫, 還有什麼奢侈的願望呢!
現在最重要, 係保本, 而唔係本金增值, 現在再不是一個經濟快速增長的年代. 慢慢等機會去買一些生意長有長做長賺錢的優質收息股回來, 等自己有穩定現金入來.
保險, 能源, 電力, 醫療, 醫藥, 物流等等板塊, 大家都可以去留意一下.
聽番首歌仔, 重拾我地老港燦的冒險和進取精神, 有少少"賭一賭"的氣魄. 話口未完, 除了矽谷之後, 瑞信又傳出..... 哈哈哈, 現在我地真係....... 聽到那刺激歡呼聲了.
本來, 我從來對 INVERSE INTEREST RATE/倒掛利率 會引起經濟衰退, 半信半疑, 只是今次矽谷銀行這單野之後, 我就開始信了.
今次間咁勁咁好野的銀行爆煲, 係因為佢地持有好多老美國債券, 但係在不斷快速加息下, 這些之前買左的老美國債券, 就跌價了, 就令到佢地蝕錢,再加上存戶聽到佢地蝕錢, 就來擠提了.
嗱..... 當長國債D息低過短國債D息, D人一買長國債就會面對跌價的可能, 又如果加息到好似現在咁快呢, 哈, 咁就大檸樂了.
咁, 老美今個月會否加息咁勇呢?
老美匯價已經開始跌了.
相信佢地今次有D進退圍谷了, 快速加息會冧更多銀行和公司, 但唔快速咁加, 通漲會失控了.
之後會點, 我JJ無水晶球了, 唔知了, 但我一定唔會咁快入市去執貨了, 就算SCHW跌到半價, 我都唔敢去掂呀! 哈哈哈.....
最初都講這間銀行係同初創公司做上市融資的, 原來唔單只做老美果D初創公司, 仲包埋上邊果D喎!
片中爆料話有1或3千個來自上邊的客戶喎, 更爆出其中30億美金係屬於一位上邊的大地慘商.
原來間銀行咁勁揪呀, 如果唔係老美聯儲局加息加得咁快, 再加上有老美財經名人, 叫人將存係中小銀行D錢, 轉去存係大銀行, 如果唔係咁, 以間銀行咁好野, 真係唔會爆煲咖.
不過, 老美政府反應得神奇咁快, 星期四間銀行話有事, 星期五就接管左, 老美財爺/存保局/監察委員會週末連開2日會, 出來只係講會照賠銀行存戶. 只是, 照賠存戶, 唔洗咁高級人馬連續開2日會, 睇怕佢地傾D更重要的事情.
大概..... 佢地睇完盤數後, 發現好多兩國間資金的流走途徑, 有些見得光的, 有些可能係找人做搬運工人, 就好似突區果單恐怖案件咁, 內裡D人唔係人頭就係白手套, 再加小三和有勢力人仕私生子.
當然老美政府會咬住唔放過, 會有更多後著去打擊熊貓國的資金渠道, 尤其, 好多上邊D存戶, 現在避禍在老美, 如果老美政府告起佢地上來, 這些人就會進退圍谷, 必定要同老美政府達成協議, 有時可以用錢攪掂. 但係熊貓國政府會否開始懷疑這些人呢? 怕佢地已經被策反...... 所以, 現在所有上邊D富人存戶, 都異口同聲否認係該銀行存戶.
當然我好同情這些富人存戶, 啞仔連黃蓮, 有苦自己知.
所以, 我叫大家唔好去羡慕人家, 看看這些富人最終會變成兩國間的磨心, 我地港燦賺任何一個仙, 雖然都係有血有汗, 但始終見得光, 唔洗搵有勢力人仕來搬運, 又可以用得自自在在.
大家如果只睇老美財長唔救矽谷銀行這消息, 可能會嚇到認為明白會世界末日.
不過, 睇清楚一D新聞呢, 現在唔救銀行, 但全部存戶D存款, 將會全部獲賠番, 唔係單單果25萬最高銀行存戶保險金, 即係任何25萬以上存款, 都會獲賠, 大約可能唔會立刻攞番酒, 但會係一定期限內, 攞番回來.
所以, 只會造成一些存戶銀根吃緊, 要去問財仔暫時應急, 而唔會導至一有風聲鶴唳, 就變成人人去銀行擠提.
所以現在老美指數期貨, 全部都升咖, 所以, 明天應該唔會有大龍鳳了.
https://globalnews.ca/news/9545944/silicon-valley-bank-failure-no-bailout/
前幾排, 行過唐人街, 有人行係我前邊用廣東話講手機, 佢提問對方: "點解教會傳唔到福音", 從佢講果個牧師名, 我就意會到..... 佢係講緊...... 我以前去開果間唐人教會了.
其實, 我對我以前去開果間唐人教會, 我已經係好刻意咁去原諒佢地咖啦, 最少我任由佢地去做佢地喜歡的事, 就算來整古我(佢地仲敢講係屬靈帶領), 無乜點去罵過這些人, 不過, 當佢地來罵我呢, 我當然要作出自己的辯解, 甚至同佢地劃清界線, 唔好同這些人同流.
果時, 我睇前邊果個人, 一看佢D衣著, 應該係這幾年新移民過來, 仲未知這裡唐人教會太多底細.
這間教會無心機去傳福音, 又或傳福音要有實際結果呢, 係因為這教會大多數人初初入去教會時, 本著不是入去慕道, 而係本著去搵人幫佢地攪掂佢地D人生煩惱.
久而久之, 這些人就會只在意..... 教會有無人同佢地睇細路仔, 有無人幫佢地負責婚禮D茶水點心, 有無人去做婚簡翻譯和中文字, 有無人去做佢地唔想做的事情, 最後, 就會變成, 唔咁做就唔屬靈/無愛心/無信心, 結論就係唔係好基督徒, 唔好俾佢係教會裡拍拖結婚, 但到這些人或佢地子女拍拖結婚時, 就要其他人禁聲, 甚至令人好似食左迷藥咁, 明知對方咭數纏身, 都要同佢結婚, 咁樣, 差少少一步, 就變成邪教D行徑了.
面對前邊咁真誠的人, 入教會慕道, 還要去傳福音, 我本來想去勸佢, 小心這教會裡的人口是心非, 心裡邊, 全都係為到佢地自己個人的需要. 但係我心諗, 唉, 佢遲早會發現到的, 我早早同佢講, 反而令到佢起著去辯護果間教會之心, 好多野係心領神會, 我無必要做醜人, 人地又唔會多謝自己.
回想起我以前係這間教會, 當好多新朋友入教會時, 就有人來投訴我好吸引咁多人入教會, 要佢地做咁多野, 只是, 無人要佢地又唱歌又大龍鳳, 好多人如果信耶穌, 可能係因為教會裡D人的行為表現出來有幾真誠. 我想, 前邊果個人, 大蓋一見到間教會傳唔到福音, 就已經差唔多知道係乜事了, 所以, 我都唔洗點多講了.
由細銀行SIVB(-60%, 跌咁多, 因為借左好多錢俾科技股喎)導頭跌起, D人就開始拋售銀行股了.
中型銀行 FRC (-16%)跟住, 之後大型投資銀行SCHW(-12%)跟埋跌, 結果..... WFC(-6%), JPM(-5%), BAC(-6%), USB(-7%), BX(-7%), PNC(-5%), 其他跌少於5%都唔少呀, 如 COF, DFS, CG, CM.
咁樣情況, D REIT 都一定跟跌了, 大多跌 2-3%, 都唔算溶, 但真係要睇實 D REIT 後續會點了.
D科技股都跌2-3%, 財仔股都係跌2-3%, 其中跌得最金的, 係同加密貨幣有關果D, 大家真係要小心了.
銀行係百業之母呀, 今次順序咁跌, 真係令人懷疑開始洗倉或轉倉了.
大家如果等緊個市跌價機會來入貨, 真係要留意了, 現在可能只是開始來咖咋, 真係要慢慢耐心等耐一D才好
城中單恐怖案件中, 總是給群眾一個揮之不去....... 有勢力人仕/小三/私生子/白手套/人頭/洗錢的感覺.
但係, 點解D有勢力人仕要花咁大氣力去生/寄養私生子(要搵人做掛名生父喎!), 之後要用咁轉折的手法, 把錢洗白去到私生子女的手中? 粉飾小三係名媛? 將來私生子更被粉飾為上流社會名人?
終於個答案出來了, 老美最近制定制裁法, 金融制裁相關人仕的六親, 只有相關人仕名不見經傳的私子女, 係制裁唔到呀!
現在才明白到, 上邊唔再撈果班高官, 唔係因為同今上意見相阻, 而係佢地無能力面對制裁, 又或佢地未能做好二把手準備, 甚至佢地D小三的私生子暴左光, 俾老美知道左.
大家咪咁傻, 以為佢地傾唔埋和內鬥, 咪咁傻啦, 佢地全部都係同踎一個坑, 同吃一窩粥咖! 點會幫資本主義, 來折共慘的台呀? 佢地只係分工得好有技考咖咋.
私生子到長大後, 有乜特點?
1. 大多係突區出生, 同生母一齊長期在突區生活, 跟掛名生父關係疏離!
2. 個掛名生父好兜踎(甚至案件纏身), 但個生母被粉飾成好掂果D人, 但又唔覺得生母有乜過人之處.
3. 會識幾種語言, 最少操流利煲冬瓜和英語, 對上邊情況十分了解, 甚至係一個知識廣博的人.
4. 長大後, 佢地會係外國讀大學或研究生, 之後一邊係外國定居, 一邊又返來充當好多民企的顧問(用民企來出份人工俾佢地嘛), 又或手持很多外國公司股票, 有不錯的股息收入.
5. 好少關係密切的朋友, 因為唔想穿崩嘛!
PS: 大家唔好羡慕別人, 這些人一世都甩唔到有勢力人仕私生子的宿命, 到佢地真正生父有需要時, 佢地會被當成棋子咖.
大家見到類似的人仕, 最好快快步走開D, 咪惹麻煩上身呀. 這些人對朋友大多十分慷慨, 好有義氣的樣子.
真係令人想起"明日大愚"項目, 始作俑者的那班友, 會否步片中的後塵?
不要忘記我地今上有次講, 要倒查某地的作俑者20年喎.
真係好懷疑係現在風向下, 仲有無人會再提"明日大愚"?
這幾日, 突區全城有單拱動命案, 嘩, 好恐怖呀, 又碎屍又煲湯, 噢...... 其實我JJ係好細膽咖咋!
只不過, 內裡十分多疑點喎! 我心裡邊果條好奇虫虫又係度臑動了.
嗱, 如果要我JJ用這單案來做藍本, 來寫個可以用來拍電影爆大鑊的電影橋段故事大網呢, 我會咁寫呢.....
一切都沿於有人替有勢力人仕做白手套呀! 咁, 佢地就要搵好多其他人來做寄存D錢錢的人頭嘛!
死者現在老公一家呢...... 係白手套, 無錯呀! 大家可能會問, 吓, 做咁大生意, 都係白手套? 嗱.... 嗱..... 嗱..... 咁樣佢地背後果個有勢力人仕, 就真係好有勢力嘛..... 洗錢洗成億億聲呀! 仲用埋由咖仔果邊的資金來作屏蔽嘛! 可想而知, 背後係幾大勢力呢?
咁, 死者 + 死者雙親 + 死者前夫一家, 都係寄存D錢錢的人頭嘛...... 只是死者前夫一家係這班人裡, 係最低等果班人, 唔多清楚死者和佢現在夫家背後果個有勢力人仕.
咁, 點樣防止人頭做反呢? 當然係有直通執法施法界(總之係黑和白都通哂)的能耐嘛! 較上層果D人, 如死者+ 死者雙親 + 死者現在夫家, 就知道自己肉在針板上, 唔敢亂來, 只不過, 太低等的死者前夫一家, 偏偏因為窮得太耐, 想做反嘛!
死者前夫一家當過差, 知道點去永久消滅D證據, 又知道執法界點去查案, 知道需要幾耐幾耐才會查到佢地, 到果時, D證據都煮爛哂, 死無對證, 法理上, 死者D錢就會變成佢地D錢了.
只是, 佢地唔明白到背後果個有勢力人仕, 上可通天庭, 當然下可以指揮某地的執法界, 一知道自己下邊的人頭失蹤左, 大概最可疑的, 係佢再下線的人頭嘛!當然立刻由 死者前夫一家開始做野了.
嗱, 最神奇係...... 今次執法界咁快破案喎! 竟然係凶手碎屍果時捉到正? 哈哈哈, 次次都唔會咁快, 今次咁快手?
不過, 今次事件係有甩碌咖, 本來係唔會當正常案件咁查辦, 只會當係人口失蹤案, 連帶死者前夫一家, 都會失蹤, 不了了知, 只係今次已經揚左, 就無得救了.
大家可能會問, JJ你老作啦, 有無乜乜過案參考下咖? 吓, 係有咖喎..... 哈哈哈..... 我上年又手痕, 寫左篇咁野, 大家自己去睇下囉!
PS: 好啦, 各位可能會問, JJ你咁鐘意娛樂圈D野, 點解你咁耐都唔撈番個明星仔或編劇仔來做下呀! 查實呢, 我JJ有自知之明, 我好奇心咁重, 如果我做LI 一行呢, 就一定得罪人多, 做明星就會俾人雪藏做凍肉, 做編劇呢, 就一定全行最笠嗡果個了.
點解我會諗死者唔係名媛? 皆因為我果個俾好多女圍住的親威囉! 佢D女係好任性好好勝, 但一D都唔想曝光. 越有錢D人, 越唔喜歡俾人(應該係唔等洗果D人)見到佢地D名牌嘛! 而且, 真正的有錢女, 就一定會搵個靚仔到YEAH一聲的男仔來拷, 點會好似死者前夫咁笠嗡咖?
各位, 雖然這條片已經係6個月前, 之但係都要攞出來讚下嘛.....
點解? 唔好講店主要舖租皮費人工啦, 我自己去街市買返來自己煮, $30邊買到咁多野食呀?
在這個艱難時勢下, 佢地簡直係善心又善意, 又如果套用共產黨的講法, 簡直係勞動人民子弟的典範.
係咖, 人老左, 人生就會麻煩左咖!
不過, 點麻煩? 真係未見過佢地先輩老年D人, 就真係唔知囉.
移民他方呢! 如果父母只係拖住佢地來移民, 這些人大多唔會見到佢地父母再上一代人的晚年呀! 大多人唔知道, 人一到老有幾麻煩囉!
甚至有D父母根本就唔想俾子女認識到, 人一到老, 晚年有幾咁麻煩, 甚至有意隱瞞, 本想唔好把人生負面一方, 說給佢地子女知道, 為到佢地子女能夠出人頭地, 威過人地D子女囉!
有D仲差, 子女年幼時推哂佢地子女去教會, 等人地幫手教好教叻佢地D 子女, 之後就逃之夭夭, 再到佢地自己年紀大時, 佢地D子女又把佢地推返來教會.
不過, 以前大環境好時, 教會好多人係唔致在, 況且大多只能做些PROGRAM出來, 等佢地D子女叻D, 有自信心一D. 現在大環境差, 人口老化咁嚴重, 這些人唔生性, 就只會令到佢地自己大大鑊了.
其實, 少少地讓下一代知道老年人生會麻煩, 係好事來咖, 等子女知道.... 趁住年青後生, 好好珍惜, 有大志者, 趁年青時好好去貢獻社會服務人群, 有責任心者, 最少好好管理好自己D錢, 唔好拖條咭數, 趁早財務自由, 免得成為社會的負累.
認識有人移民來加後, 父母刻意唔俾佢地認識老年D麻煩, 大概佢父母天真以為佢地自己攪掂自己老年的需要. 咁, 這些人就唔多生性了, 不單佢地自己唔理好自己D事, 連人家拍拖, 佢地要來指指點點. 人人都趕住結婚來為到自己將來負責任, 佢地偏偏出來攪破壞.
到佢地自己適婚年齡快到尾時, 當然違背哂佢地自己D"屬靈"原則了. 其實, 其他人都無佢地咁麻煩, 佢要結婚時, 都唔會好似佢地咁來阻住人的, 只是就唔好叫人來幫LI幫路了, 因為其他人做任何野, 一定唔會令到佢地開心的, 倒不如橫過店過唔好理.
這些人後生唔夠醒目, 又拖咭數, 到中年後半截才來買房, 唔只咩條咭數, 再咩條房屋按揭, 大概以佢地果d生活洗錢習慣, 大約係想用不斷升高的房價來做提款機. 咁, 一到現在加息時, 咁, 唔係大大鑊囉!
這些人有少爺公主病, 唔為自己負責任, 人一到中年後截, 一切問題, 就好似慮積奬金咁, 一次過湧係佢地面前.
佢地父母對佢地無眉不至, 原本係諗住佢地父母可以自理和攪掂(但點都要有子女幫佢地買下餸/帶去睇下醫生, 大病後就更需要子女了), 只是原本佢地買屋的首期, 和以前d咭數, 有佢地父母無償地填氹, 但一到佢地父母連錢(莫說健康)都油盡燈枯時, 當然這些人就絕望了.
到這些人人到大大鑊的地步, 這些人竟然選擇結束自己的生命, 不單結束負債的一生, 更拋棄佢地極需要照顧的父母!
點樣防止少爺公主病? 就係適度咁認識"生老病死"(這些人如果認識生老病死, 就唔會阻住人地結婚拍拖了), 尤其係認識老年人生有幾麻煩.
ps: 以前認識一個竹昇妹, 佢同我講佢嫲嫲有老人痴呆病, 佢畢業後有一大堆學生貸款要還, 佢真係無公主病, 佢十分認真和真誠咁找對象, 我也好榮幸佢選擇我來認識, 即係佢認為我係一個做人做事認真的誠實人.
只是我當時讀緊大學第三年, d功課忙到我喊, 教會又多野做到死, 週圍d朋友又成日搵我幫手, 唉, 就無時間同佢拍拖, 而且佢係離我3小時距離的別一間大學讀書, 而唔係同一間大學. 我畢業後, 來到個要講法文的地方, 人生一切進度都打亂哂, 唉, 心裡亂到再無打算.... 同佢超遠距離去拍拖了.
佢知道佢自己可能都會有老人痴呆病, 就會十分認真地找個可以附托終身的人. 只是, 佢家姐一見到我, 就講..... 我咁靚仔(通常暗指..... 靚仔無本心, 靚仔最花心), 唔怪得佢個妹妹咁遠水路來找我, 仲要我晚上10點前, 一定要送佢個妹回來. 我有d驚佢會來我教會噪我呀!
多年來, 再沒有來住了, 實在可惜!
最近富爸爸果個作者, 走出來講, 叫人快快賣哂D紙上資產(股票, 債券, ETF)...... 仲叫人買實物, 如酒, 房地產, 加密貨幣.
咁, 我自己唔掂佢講果D野, 我真係唔知佢推薦D野岩唔岩了.
不過, 紙上資產呢...... 係咪全部都一定有泡沫先? 就算大環境講俾我地聽"有泡沫", 咁, 我認為有好多股票都唔會有泡沬囉!
當我地睇到D通漲咁升法, D野貴左咁多, D公司生產出來D野都無平過, 咁這些公司D營利係咪無跌過先? 營利無跌, 咁, 股票的長期價值有乜理由跌先? 股價跌, 但都係一時, 長期來講, 股價會向住實際價值回升.
股神選股有3點: 1. 有某程度上的專利, 新競爭好難入來爭食; 2. 有基本的慣性顧客, 可以把上漲的成本, 轉嫁俾顧客; 3. 生產成本低; 4. 有不錯增長空間.
只要D公司生意長有長做長賺錢, 又隱定賺錢, 又有發展空間, 係大環境泡沫爆煲時, 就算跌呀, 都會有一定的抗跌力, 尤其物價已經貴左咁多, 如果可以把上漲的成本轉嫁俾顧客, 這些股票就唔好賣了.
咁係邊D股票? 能源(油/天然氣/綠色能源), 藥廠, 電廠/電網, 保險.
今次泡沫一爆煲呢, 銀行股, 財仔股, 咭仔股和REIT會跌到好金呀! 只是懷疑呢, 下跌軌道會比較長久, 唔會好似2020年頭咁, 短短1~2月就跌40%, 2~3個月後又回升番. 我諗無一年半載, 都唔會跌完回升復原.
所以, 我估呢, 大家今次唔洗心急入市的, 慢慢等佢到低價.
還有, 唔會陷市咁跌, 係一個個行業輪住咁跌囉, 果一期邊行壞消息, 又或俾人襟低個價.
我JJ已經預備好彈藥, 等佢跌市時來執平貨了.
這幾牌, 我這裡地鐵常常日光日白停運, 原來不斷有人跳軌自殺呀!
係既, 我這裡冬天好多人情緒病發作, 一想唔開就去自殺了.
大家可能會想, JJ 你咪想講, 由"憐憫之心", 變成魔鬼之心, 係因為D人對人家自殺漠不關心, 任得人自殺呀?
其實, 這個剛好相反呀! 人家如果要自殺, 真係沒有人可以阻撓得到咖! 自己可以做的, 卻是顯出善意, 但先決條件.... 是自己保護好自己, 唔好俾人來傷害到自己囉!
前幾排, 我行經我這裡市區, 係街上見到2個陌生女人, 第一個我一見到佢面目古怪, 大多唔係因為凍得太耐, 因為佢可以入去室內暫避寒, 大多係佢啪野啪大左, 我就知道我要避開佢, 已經刻意繞過佢, 行旁邊入口, 但接近佢時, 才見到佢單薄衣衫內, 只有個BRATOP. 不過, 咁都俾佢來大罵, 真係無天理!
第二個仲神奇, 佢迎面走埋來我度, 第一句就話要我幫佢, 我好心停下來聽聽佢有乜要幫, 點知道佢第一句就話"you will have your grand child!" 之後就不斷講佢自己, 跟本就無題佢有乜要幫. 我真係無諗過同佢發生乜野關係, 我就立刻快步走人, 個女人就係我後邊跟住漫罵. 唉, 如果我真係俾佢黐埋來, 就唔係漫罵咁簡單了.
其實, 好簡直咖咋, D人自己的人生選擇, 就由得D人自己吧! 佢地要自殺, 真係與人無尤了. 面對這些事情, 真係唔好 RESULT-ORIENTED呀, 下下都要求個結果 - 幫到佢唔自殺. 如果唔係, 只會製造更多問題出來.
點解? 我才想起, 原來我以前係教會, 都成日遇上同類的人呀! 當然這類大多入教會唔係信教, 為何這教會咁多這類人? 因為這教會D人好 RESULT-ORIENTED, 而唔係 FAITH-ORIENTED, 常常都要做到幾多幾多過案出來! 所以, 就留下這般多這類問題出來.
最大鑊的, 佢地當中有些人更把 RESULT-ORIENTED 推前一步, 要掌控別人的人生和命運. 是的, 能夠改變對方的人生和命運, 是好的, 不過, 這是聖靈的大能和工作, 而不是人為的心理學運作呀! 聖靈動不動工, 由得聖靈自己來決定吧! 不能夠因為自己下不了台, 就把聖靈架空起來!
一在教會裡把聖靈架空, 一到要掌控別人的人生和命運, 其實, 就會好容易跌入魔鬼的網羅之中, 最後, 連佢地自己都大大鑊呀!
還有有D人更甚, 就係沃D就覺得人地入教會係因為唔掂, 想搵人幫, 佢地仲好似奉左旨咁, 要人地點點點, 其實這些人咁諗, 根本原因係佢地自己小人之心來度人, 佢地自己根本就係唔掂才入教會. 這些最大檸樂, 人地入教會真心慕道, 佢地令到別人見到教會望而卻步, 咁就真係大鑊了, 沒有從上而來的祝福, 只有詛咒.
噓...... 加左咁多次息, 仲係前所未有咁狂加, 加左4次 0.75%+ 2次 0.5%+2次 0.25%, 由2022年3月起, 每隔6個星期議息時, 都係咁加上去, 無停過呀!
今日出左數據, 2023年1月通漲係0.5%, 高過12月呀. 即係2022年12月果次加0.5%加得唔夠力度呀! 之前4次每次加0.75%呀.
噢...... 大檸樂了, 今年2月更係只加0.25%, 即係由上年12月(加少左0.25%)和今年2月(加少左0.5%), 加埋一齊, 就少左0.75%呀, 下次3月中再議息時, 真係有好戲睇了, 如果今年2月通漲好金呢, 3月果次加息就會好溶下喎.....
如果追加0.75%, 再加原本要加的0.75%, 唔...... 係...... 加1.5%, 真係好希望我烏鴉講錯!
嗱..... 大家真係要睇實下次出2月通漲數據了, 如果比1月通漲仲高呢! 唔洗問阿貴, 一定會加息加得好溶...... 加到佢阿媽都唔認得, 個市呢..... 又會否跌到佢阿媽都唔認得?
好了, 現在情況係...... 山雨欲來風滿林, 咁呢, 我真係自己唔會掂 OPTION, FUTURE, WARRANT 果D了, 靜心等待著吧...... 只有耐性和心靜, 才會碰到機會來臨.
有時我係加記遇上一D自稱係港燦的人, 真係唔知佢係咪講真咖!
老實講, 一講上十分鐘, 佢就露左底和面了. 例如:
1. 我叫佢65歲後留係加記, 加記無論老人福利/醫療/養老, 都一定好過上邊和突區財力最好果陣時, 除非佢係上邊係好高級, 佢係上邊果D老人福利/醫療/養老, 才會好過加記.
2. 佢竟然話突區D公立醫療好過加記, 哈, 佢真係好攪笑, 無錯的, 突區私營醫療係好好野咖, 加記D全民醫療一定無咁好, 不過, 一到突區公營醫療, 真係等好鬼耐.....以大腸內窺鏡咁, 這裡快好多! 總之係這邊年年去檢查身體, 一早查出來, 大多有足夠時間去排隊來醫了.
3. 當我同佢講, 上邊有動員法, 由18-60歲都要入後備役當兵, 佢竟然氣直理壯話正常, 哈哈哈...... 當我同佢講突區現在同上邊無分別了, 佢就答, 上邊好多人, 意思係講, 唔會輪到佢. 佢一定以為有個爛鬼突區身份證, 就會同佢上邊D親友唔同.
綜合來講, 佢應該係上邊落來突區果D人, 但對突區認識唔深, 因為佢有左身份證後, 大多時間都係上邊生活, 來到加記後, 也沒有過著普遍一個加燦的生活, 所以, 佢心中只有上邊最好, 退休都要返去上邊.
網上有很多國內人播著自己徒步走遍大江北南, 其實, 我自己並不在意人家有無出貓(搵汽車來拖), 我自己在意, 我睇佢視頻時, 是否引得我開心. 要知道如果真係一步步咁行, 真係有機會會變成拐腳的.
睇睇另一個真實的誠信君子, 佢真係誠信到踩單車走遍大江南北, 包括西藏青海高原和熱死人的新疆沙漠. 只是睇左佢一年, 見佢越來越乾瘦焦緒, 身體越來越差, 唉, 最後我真係心傷到唔敢再睇佢.
我做人都係懶理佢真或假的, 睇完自己開心,別人又可以人生有個寄託和方向, 咁就得啦, 又唔係大奸大惡, 為害其他人的行為, 理咁多做乜呀!?
係咖, 等個市跌, 咁唔係有滿地平貨, 可以俾我入貨囉!
點知個市唔跌喎! 噓, 唔緊要啦, 我都係等下囉.....
市唔跌呢, 我唔係瞄準D大跌的個別股囉.....
最近我瞄準到隻天然氣管股喎, 老實講, 就算將來用電車, 天然氣都仲係需要的.
本來買左後, 想等佢再跌我再買, 點知, 買左之後就急回番了!
好啦, 做人唔好貪心, 急回我就唔高追了, 賬面都算話賺左錢, 咁就放係度收股息!
原來我才發覺到, 等係十分重要, 唔好心急, 咁風險就唔會太大, 慢慢入, 有賺就慢慢放, 咪急嘛!
不過, 我仍相信今次好難用加息來壓到通漲, D息會一加再加, 最終會造成經濟衰退, 只是時間未到, 未見到通漲壓唔到, 未見到經濟衰退走出來囉.
等..... 係一種耐性, 之後中左, 就會有奬攞, 就會買到滿手平貨了.
怎樣說好呢? 因為...... 早已經估算到將會發生的事, 但又卻是無力阻止, 甚至連怎樣去一步一步預備從中獲利, 都仍是千頭萬緒, 心思算盡, 都未必百份百獲利. 果種患得患失, 更容易因為情緒低落而走上自毀之途呀!
事情循著自己估到的方向去走, 但估算走上獲利的路上, 往往比預估事情發展的方向, 難上百倍. 為何?
因為方向是最容易估到, 但一到實際籌謀時, 卻多了一個最決定性因素....., 就是時間, 在錯誤的時間點, 就算走上全對方向, 都未必能夠獲利呀.
所以, 我常常估方向之後, 買左D股票, 就唔會再理會佢幾個月, 甚至幾年, 因為知道一定會循著預估的方向走, 差在幾時會發生. 俾多D時間, 賺錢的機會就會越來越大.
相反, 我反問一個問題, 估到將來, 就一定係福嗎? 其實, 真係要問自己, 係咪心中持有善念囉!? 我反而覺得, 猜唔猜得中都唔重要, 心中有善念, 雖然估唔太中, 但都不會太遠, 加上一點耐性和時間, 就會有錢賺囉!
我自己步入中年, 我反而覺得, 自己..... 有無做個好人? 有無心中持有善念? 做事出發點有無惡念? 這個才是福之所在.
自己做個好人, 也鼓勵別人去做個好人, 反而是福之所依, 不要輕看善少而不為, 也不要忽視惡少而為之的禍害!
不從惡人的計謀, 不站罪人的道路, 不坐褻慢人的座位, 惟喜愛耶和華的律法, 晝夜思想, 這人便為有福.
我JJ由第一天開始投資買股票, 從沒有想著跟人對賭個市升或跌, 因為這個就是他者扑街主義, 把自己的快樂幸福, 建立在人家痛苦之上.
相反, 我一直投資係造福別人生活的股票公司之上, 如, 醫藥, 醫療服務, 生化科技, 互聯網服務, 保險, 財務管理, 運輸物流, 退休養老...... 果D生意長有長做長賺錢的公司.
當然, 回報一直跟唔上財技股/創科股(創科唔一定會造福其他人的生活, 好似隻"你亞爸爸"咁! 實體店全部無生意做 ).
睇完這個視頻, 真係想出來勸人唔好去參與"災難經濟", 唔只因為唔知幾時會大跌(睇睇造測試盒D工廠, 主上一聲令下, 多多投資都要WRITE-OFF呀), 仲係會令自己心裡不安.
還好, 我投資D藥廠, 大多都係以近成本價來服務新冠病眾(我心裡好過一點), 賺錢的地方是..... 因為增加了的其他相關醫療配套, 如防護衣那些, 是因量而賺錢多左, 不是坐地起價, 趁人病要脅錢財.
嘩, 唔係嘛? 食埋D咁野! 仲係聲稱為"深夜美食"!
究竟佢知唔知道佢食左幾個寄生虫入去?
唔只短命, 仲係消耗佢自己家庭的財政, 令到家庭財政大量消耗在醫療開支當中.
我有朋友同我講, JJ你係加記唔怕啦, 有免費醫療.
又唔可以咁講啦, 有病唔辛苦? 有病時D生活開支唔會增大? 當然係避免自己病啦,
我記得以前香港電視上一有捐款直播, 就會時時創下破記錄的捐款, 以前香港人生活無現在咁好,當然就有需要去幫幫某些弱勢人仕了.
咁, 香港當時都有人大聲呼籲, 社會上為富不仁之風甚盛.
致於加國這邊呢, 因為政府係福利和醫療上都做到好足, 所以觀感上, 加國不用民眾捐款吧! 只是加國政府仍舊透過扣稅來鼓勵民眾, 自發捐去有需要的地方, 因為民眾對社會上有需要的地方, 反應和行動會比政府來得快呀!
咁, 富不仁之是否跟社會制度有關? 我諗呢, 係資訊發達的今天, 都唔洗一定傳媒來揭露社會不公的現象了. 一天資訊開放, 為富不仁之風一天都難以猖狂.
不過, 很多人唔明白, 財富不一定反映出當事人有幾叻, 財富只是反映出...... 在特定的時代和社會環境下, 某些人是社會上的暨得利益者, 是那時那裡的社會制度, 浮起了這些人和他們手中的財富.
我JJ係加記, 每時每刻都在緊記著, 是加國的社會制度, 浮起了我和我手中的財富, 自己是加國社會制度裡的暨得利益者. 當然我自己會想盡一切方法, 來維護加國的社會制度, 所以, 就不能讓一些人窮得過不到日子, 總要令到加國社會長期健康地發展下去.
維持加國社會良好運作下去, 維持人與人之間和諧和信任, 對我來講, 係十分重要呀!
我自己揸部日本仔車就算數了, 而且仲係一部車揸佢十年有多, 才會去換新車的, 在觀感上, 我不會讓人覺得貧富懸殊. 經常使用公共交通工具出入, 衣服鞋襪都係著到穿左, 才換新的出來替換. 在外表上, 我跟任何人沒有任何階級分別.
這首歌原創在1980年代初, 那時港人還是為口奔馳著, 不過, 總有些人摸著先機, 看到中國人邁向世界的勢頭沒法擋. 他們創作時, 不是單單用殖民地宗主國純西方的特色, 卻加上中國音樂和民族情懷的原素.
誰人說港人是殖民地奴才? 真是要打這些人的咀巴! 最少港人創作的樂曲和影視, 被上邊用番來再番炒, 初次已經係上邊家傳戶曉了, 再次用時, 像這歌咁, 更是名揚海外(更有上邊網民戲說用來做國歌更合乎國情). 這...... 肯定了港人不能也不可以磨滅, 在改革開放歷史上的貢獻.
這些創作激亮了我們這輩人的目光, 路不一定要跟死殖民地宗主國(宗主國也不想我們跟死他們吧), 總有其他路可以走.
PS: 好多人忘記左金庸小說裡講..... 蒙古滅金後, 郭倩黃蓉遊當時燕雲16州的古舊破長城(遼宋澶淵之盟割了燕雲16州, 以前唐漢建好的長城就在遼國領土上, 那時長城失去防守功能2~3百年, 令到長城殘破), 這曲的歌詞, 就是用金庸小說裡的文字來創作而成的 - "冷風吹 天蒼蒼 猛風沙 野茫茫 藤樹兩纏綿". 我發現, 金庸小說最好睇的地方, 就是小說跟真實歷史有交集!
我估呀, 都會有深層次意義囉!
因為D人借錢來做好多野咖! 除左開公司, 發大盤生意之外, 其實, 仲有好多野可以做, 買股買債? 係咖係咖! 不過, 如果D人借錢來囤積居奇呢, 嗱! 又或計劃將會閉關鎖國, 閂埋度門唔同人交叉互動, 買埋買埋D大宗商品或糧油等等......
當然係息低時, 係有利可圖, 但一到加息呢, 就不單無利可圖, 仲會蝕錢蝕佢阿媽都唔認得呀!
咁, D人為左攞到銀行信貸, 最常做係...... 講大話, 明明用筆錢來囤積居奇, 都講大話, 話自己發大生意來做, 咁樣, 這些人就會好易俾政府告佢地欺詐.
但係...... 現在囤積居奇來大買大宗商品果D人, 係D國家機構來咖! 咁, 另國政府都無佢符咖.
不過, 係可以加息, 來令對方蝕錢離場咖嘛....
世界兩大經濟體, 一到傾唔埋欄, 咁D糧價唔係時高時低(邊個講這些是極限戰? 原本買幾多糧食, 大家有傾有講, 唔會一時買得多, 一時買得少. 如果一直買得多, 突然買得少, 咁唔係好多農夫破產).
現在係互相唔信任, 最少前幾年D人講極限戰時, 有無諗過, 會有今天, 加息加到佢阿媽都唔認得呀?
